ئاژانسا خانی ” زنار تۆڤی:
بێوار عه‌بدولعه‌زیز: په‌یڤدارێ رێڤه‌به‌رییا به‌ره‌ڤانییا باژێری ل پارێزگه‌ها دهۆكێ” نوكه ل گه‌ل تیمێ حكومه‌تا هه‌رێما كوردستانێ یه بۆ رزگاركرنا وان كه‌سێن ژ ئه‌گه‌رێ ئه‌ردهه‌ژێ ماینه ل ژێر ئاڤاهی یێن هه‌رفتی ل باژێركێ ئیسلاحییێ ل پارێزگه‌ها دیلۆكێ ل باكوورێ كوردستانێ بۆ ئاژانسا خانی دیار كر: ئه‌و وه‌كو تیما حكومه‌تا هه‌رێما كوردستانێ” ئه‌ڤرۆ شه‌مبییێ چووینه سه‌ر ئاڤاهییه‌كێ” كو دوهی ئه‌ینییێ وان دو ته‌رم ل ژێر وی ئاڤاهی یێ هه‌رفتی ده‌رخستینه” ئه‌و یێ بزاڤێ دكه‌ن” وان ته‌رمێن دیتر یێن كو ماینه ل ژێر وی ئاڤاهی ده‌ربێخن و ره‌وانه‌یی نه‌خۆشخانێ بكه‌ن.
ناڤهاتی گۆت ژی: ئه‌ڤرۆكه ئه‌و چوویه دناڤا وی ئاڤاهی دا” تیمێ وان گه‌له‌ك لێگه‌رییان دناڤا وی ئاڤاهییێ هه‌رفتی دا كرییه ” بۆ وان دیاربوویه” كو ئه‌و كه‌سێن ماینه دبن وی ئاڤاهی دا لده‌ف ئاسانسۆرا وی ئاڤاهی ماینه” بزاڤێن وان د به‌رده‌وامن ژ پێخه‌مه‌ت وان كه‌سان هه‌موویان ل ژێر وی ئاڤاهی دا ده‌ربێخن” هه‌روه‌سا هه‌ر ژ رۆژا ئێكێ هه‌تا نوكه ئه‌و شییاینه شه‌ش كه‌سان ل ژێر وان ئاڤاهی یێن هه‌رفتی دا ده‌ربێخن” چار ژ وان گیانێ خۆ ژ ده‌ستدایه و وان دو كه‌س ژی ب ساخی قورتال كرینه” كو ئێك ژ وان كچه‌كا 11 سالی بوویه ل گه‌ل بابێ وی كو 37 سالی بوویه.
