پێدڤیە تا ڕۆژا ئەینی دەمژمێر پێنجی ئێڤاری سەرۆکێ ئەمریکا بەرسڤا چەند پرسیاران دەربارەی کوردستانێ بدەت

ل گۆرەی زانیارییێن مالپەرێ فەرمی یێ پارتی دیموکراتی کوردستان چه‌ند سیناتۆرێن ئه‌مه‌ریكا چه‌ند پرسیارەک ئاراسته‌ی سه‌رۆكێ وەلاتێ خۆ کرینە دەربارەی هەرێما کوردستانێ و داخواز کریە د دەمێ چەند ڕۆژێن بهێت دا بەرسڤێ ل سەر بدەت.

ل گۆرەی دووڤچوونەکا مالپەرێ فەرمی یێ پارتی دیموکراتی کوردستان ، چەند سیناتۆرێن ئەمریکی، چەند پرسیار ئاراستەی سەرۆکێ وەلاتێ خۆ کرینە کو د تایبەتن ب سیاسەتا وەلاتێ وانڤە بەرامبەر هەرێما کوردستانێ، ئێک ژ داخوازیان ئەوە کو پێداچوون د سیاسەتا ئەمریکا بەرامبەر عیراقێ دا بهێتە کرن، سێ سیناتۆرێن پرسیار ئاراستە کرین پێکهاتینە ژ مایکڵ واڵتز، کێڤن هێرن و جۆوی ویلسۆن.

ئەو سیناتۆرێن ئەمریکی کو ئەندامێن لژنەیا ڤەکۆلینا کۆمارییان و لژنەیا کاروبارێن دەرڤە یا جڤاتا نوونەرانن، د نامەیەکێ دا بۆ جۆ بایدن، سەرۆکێ ئەمریکا چەند پرسیارەک ئاراستە کرینە.

ل گۆرەی زانیارییێن مالپەرێ فەرمی یێ پارت دیموکراتی کوردستان، چار هەیڤان جارەکێ لژنەیا پەیوەندییێن دەرڤە یا کۆنگرێسێ ئەمریکا ڕاپۆرتا خۆ دەربارەی دەڤەرێ ئامادە دکەت و پاشی ئاراساتەی لایەنێ جێبەچێکار یێ حکومەتێ دکەت کو وەزارەتا دەرڤە وق دەزگەهێ هەواڵگێریا نیشتیمانی ( سی ئای ئەی) یە.

د نڤیسارا وان سێ سیناتۆران دا کو داخواز ژ بایدنی کریە بەرسڤێ ل سەر بدەت، ئێک ژ خالان ئەوە،” ویلایەتێن ئێکگرتی یێن ئەمریکا دێ چاوا بەرهەمئینانا بوارێ وزەیێ ل هەرێما کوردستانێ پارێزیت کو ژ لایێ ئەمریکا ڤە پشەڤانییا دارایی بۆ دهێتە کرن؟ هەر وەسا ویلایەتێن ئێکگرتی یێن ئەمریکا چاوا پشتڕاستببن کو حکومەتا عیراقێ دێ مافێن دەستووری یێن هەرێما کوردستانێ پارێزیت؟”

ل گۆرەی زانیارییێن مالپەڕێ فەرەمی یێ پارتی، ئەڤ دو پرشیارە وەک پاکێجەکا هاتینە ئامدەکرن ژ سەرجەمێ وان ئاریشەیێن ل عیراقێ هەین و بۆ سەرۆکێ ئەمریکا هاتینە ئاراستەکرن.

ل گۆرەی هەمان ژێدەر، د وێ نامەیێ دا یا کو بۆ جۆ بایدنی چووی، پرسیار هاتیە کرن ئەمریکا چاوا پشتڕاست ببیت کو عیراقێ دێ پشتەڤانییا هەمی هێزێن لەشکەری کەت، هەر وەسا دێ چاوا پشتڕاستبیت کو حکومەتا عیراقێ دێ پشتەڤانییا دارایی بۆ گڕۆپێن چەکداری یێن تیرۆرستی ڕاوستینیت؟

وان سیناتۆرێن ئەمریکی دەمەکێ دەستنیشانکری بۆ ئیدارەیا جۆ بایدنی دانیە بۆ بەرسڤدانا وان پرسیاران و دبێژن:” تا ڕۆژا ئەینی 24 شاباتێ دەمژمێر پێجڤی ئێڤاری ئەم چاڤەڕێی بەرسڤا هەوەینە”.