ئەردهەژەکێ باکوورێ کوردستانێ هەژاند و خەلکێ سووریا ژی هەستپێکریە

ل‌ گوێره‌ی زانیارییێن میدیایێن سووریا، ئەردهەژەکێ باژێرێ دیلۆک یێ باکوورێ کوردستانێ هەژاند و خەلکێ دەڤەرێ ژی هەستپێکریە.

 دیارکریە ژی، ئەردهەژ ب هێزا 4.7  پلە ڕێختەربوو، ژێدەرێ ئەردهەژێ ژی باژێرێ دیلۆکێ یێ باکوورێ کوردستانێ بوو کو هەڤسنوورە دگەل وەلاتێ سووریا و خەلکێ هەردوو باژێرێن حه‌له‌ب و لازقییه‌ ژی هەستپێکریە.

ژ لایێ خۆ ڤە بێوار عەبدولعەزیز، بەرپرسێ ڕاگەهاندنا بەڕەڤانییا باژێری ل دهۆکێ، کو د نوکە دا ل باژێرێ دیلۆک یێ باکوورێ کوردستانێ یە ب مەرەما هەوارچوونا قوربانییێن ئەردهەژا 6 شۆباتا 2023، بۆ ئاژانسا خانی ڕاگەهاند، ئێڤارییا ئەڤرۆ ژی ل دەمژمێر 4:00 ئێڤاری ئەردهەژەک ل وی باژێری روودا و وان ب باشی هەستپێکر لێ چ زیان نەبوون، دەربارەی ئەردهەژا بەری دەمەکی گۆت:” مە هەست ب وێ ئەردهەژێ نەکری چونکی دبیت دەمێ وێ یێ کێم بیت” دیارکر ژی ئەو ئەردهەژێن دەمێ وان چەند چرکەیەک بن پڕانیا جاران مرۆڤ هەستپێناکەت.