سندۆقا دراڤێ نێڤده‌وله‌تی: ئه‌ردهه‌ژێ دێ گه‌له‌ك كاریگه‌ری ل ‌سه‌ر ئابوورێ توركییا هه‌بیت

رێڤه‌به‌را سندۆقا دراڤێ نێڤدەولەتی دیار كر، ئه‌ردهه‌ژێ دێ گه‌له‌ك كاریگه‌ری ل ‌سه‌ر ئابوورێ توركییا هه‌بیت.

ئه‌ڤرۆ ئێكشه‌مبی، رێڤه‌به‌را سندۆقا دراڤێ نێڤده‌وله‌تی، كریستالینا گۆرگیفا، راگه‌هاند، قه‌رێن ئه‌ڤ ساله‌ یێن هنده‌ك وه‌لاتێن رۆژهه‌لاتا ناڤین و باكوورێ ئه‌فریقییا بووینه‌ جهێ دلنه‌رحه‌تییێ، ژ ئه‌گه‌رێ سیاسه‌تێن ئابووری ێن وان ده‌ڤه‌ران.

سندۆقا دراڤێ نێڤده‌وله‌تی دیار كر، گه‌شه‌یا ئابووری ل ده‌ڤه‌رێن‌ رۆژهه‌لاتا ناڤێن و باكوورێ ئه‌فریقیا دا‌كه‌فت بۆ 3.2%، به‌ری كو بلند ببیت‌ بۆ 3.5% ل سالا‌ 2024 ێ.

ناڤهاتییێ گۆت ژی‌، ئه‌ردهه‌ژا توركییا و سوورییێ، ده‌ڤه‌ره‌كا به‌رفره‌هـ هه‌رفاندییه‌‌، هه‌روه‌سا بوویه‌ ئه‌گه‌رێ كاره‌ساته‌كا مه‌زن بۆ سه‌ر تاكێن جڤاكی و كاریگه‌رییه‌كا مه‌زن ژی دێ ل سه‌ر ئابوورێ توركییا هه‌بیت‌.