شاندێ حکومەتا هەرێما کوردستانێ ل گهل دەستەیا دەرگههێن سنووری یێن عێراقا فیدرال گوتۆبێژ دهربارهیی ئێکخستنا باجا گومرکی و ههماههنگییێ دناڤبهرا ههردو ئالیان دا كر.
ئهڤرۆ دوشهمبی، شاندێ حکومەتا هەرێما کوردستانێ کو پێکهاتبوو ژ جۆتیار عادل، پهیڤدارێ حکومەتا هەرێما کوردستانێ، سامی جەلال، شیرهتکارێ وەزارەتا ناڤخۆ و عەبدوللا عەبدولقادر، جێگرێ رێڤەبەرێ گشتی یێ گومرکێ ل هەرێما کوردستانێ ل گەل دەستەیا دەرگههێن سنوری یێن عێراقا فیدرال کۆمبوون.
دهستهيا دهرگههێن سنوورى يا عيراقى راگههاند” د كۆمبوونا ئهڤرۆ یا ههردو حكومهتێن عيراقێ و ههرێمێ دا، رێككهفتن ل سهر گرتنا دهرگههێن سنوورى يێن نهفهرمى ب درێژیيا سنوورێ ههرێما كوردستانێ ل گهل وهلاتێن جيران و ئێكخستنا باجا گۆمركى هاته كرن.
ههروهسا رێككهفتن ل سهر ڤهكرنا كهنالێن فهرمى يێن ئهلكترۆنى ب رێیا ئيمێلان و پۆستێن ئێكسهر هاته كرن و تهكهزى ل سهر بجهئينانا دهرهاڤێژ و راسپاردێن لژنا بریارا ديوانى یا ژماره 62 يا سالا 2023 ێ ل دۆر دوباره ههلسهنگاندنا بڕيارا جڤاتا وهزيران یا ژماره 13 يا سالا 2019 ێ هاته كرن.
ههر ئهڤرۆ شاندێ حکومەتا ھەرێما کوردستانێ ل گهل محەمەد تەمیم، وەزیرێ پلاندانانا عێراقێ و جێگرێ سەرۆکوەزیرێن عێراقێ کۆمبوویە و د ههمان دهمدا شاندێ ههرێما كوردستانێ داخوازا رهزامهندیيا حكومهتا فيدرالى ل سهر هندهك دهرگههێن سنوورى كر”، لدووڤ دهستهيا دهرگههێن سنوورى يا ئيراقى.
