رێڤەبەرێ رێڤەبەرییا بازرگانییا ئاهێن خوارنێ ل پارێزگەها دهۆكێ بۆ ئاژانسا خانی راگەهاند، بۆ هەیڤا دوو یا ئەڤسالە زەیت، برنج، ئالینوك و دۆشاڤا تەماتێ گەهشتینە كۆگەهان و ل دەمەكێ نێزیك دێ دەست ب دابەشكرنا وان هێتەكرن.
گۆت ژی: د نوكە دا ئاهێن خوارنێ یێن هەیڤا 12 یا سالا بووری و هەیڤا ئێك یا ئەڤسالە پێكڤە دهێنە دابەشكرن. بۆ هەیڤا دوو یا ئەڤسالە ژی رێكارێن پێدڤی هاتینە ئەنجامدان، لێ هندەك كەرەستە ماینە بگەهن، هەردەمێ گەهشتن دێ دەست ب دابەشكرنا ئاهێن خوارنێ یێن هەیڤا دوو هێتەكرن.
