دلشاد شه‌هاب: نێچیرڤان بارزانی دێ سه‌ره‌دانا ئه‌نقه‌ره‌ كه‌ت

ئه‌ڤرۆ سێشه‌مبی‌ (14 / 2/ 2023) ێ، دلشاد شه‌هاب، شیره‌تكارێ نێچیرڤان بارزانی، سه‌رۆكێ هه‌رێما كوردستانێ دیار كر، نێچیرڤان بارزانی ل ده‌مێ سه‌ره‌دانا خۆ یا ئه‌ڤرۆ دا بۆ توركییا و باكوورێ كوردستانێ، دێ سه‌ره‌دانا ئه‌نقه‌ره‌، پایته‌ختێ توركییا كه‌ت و گۆت ژی، “نێچیرڤان بارزانی ئێڤارییا ئه‌ڤرۆ سه‌ره‌دانا ئه‌نقه‌ره‌ كه‌ت و دێ ل گه‌ل مه‌ولود چاویشئۆغلۆ، وه‌زیرێ ده‌رڤه‌ یێ توركییا و چه‌ند به‌رپرسێن دیتر یێن وی وه‌لاتی كۆم بیت.

دلشاد شه‌هابی گۆت ژی، “ئارمانجا سه‌ره‌دانا نێچیرڤان بارزانی، سه‌رۆكێ هه‌رێما كوردستانێ بۆ ده‌ربڕینا هه‌ڤخه‌می و هه‌ڤسۆزییا گه‌ل و حكومه‌تا هه‌رێما كوردستانێیه‌‌ بۆ قوربانی یێن ئه‌ردهه‌ژا توركییا و باكوورێ كوردستانێ و هه‌رێما كوردستانێ به‌رده‌وام بیت ل پێشكێشكرنا هاریكارییان بۆ زیان ڤێكه‌فتی یێن ئه‌ردهه‌ژێ.