سەرۆك مەسعود بارزانی ئەڤرۆ رۆژا سێشەمبی پێشوازی ل فوتوشی ماتسوموتۆ، بالیۆزێ نوی یێ ژاپۆنێ ل عیراقێ کر.
سەرۆك بارزانی و بالیۆزێ ژاپۆنێ، رەوشا سیاسییا دەڤەرێ و پەیوەندییێن دناڤبەرا هەولێر و بەغدا و هێرشێن تیرۆری گۆتۆبێژكرن.
بالیۆزێ ژاپۆنێ رێز و سوپاسیێن خۆ لدۆر خەبات و قوربانیدانا گەلێ کوردستانێ بۆ گەهشتن ب ئازادی هەبوون، ناڤبری ڕاگەهاند، ژاپۆن دخوازیت ل عیراق و هەرێما كوردستانێ ئارامی و سەقامگیری هەبیت و داخواز دكەین پەیوەندییێن دناڤبەرا ژاپۆن و عیراق و هەرێما کوردستانێ بھێنە پێشئێخستن.
سەرۆك بارزانی سوپاسییا هاریكاریێن ژاپۆنێ بۆ عیراقێ و هەرێما کوردستانێ کر و هیڤیا سەرکەفتنێ بۆ بالیۆزێ ژاپۆنێ خواست د ئەرك و كارێ وی دا.
