نێچيرڤان بارزانى: هاتنا مه‌ ب مه‌ره‌ما دەربرینا هه‌ڤخه‌مى و سۆزێ و وەفادارییێ یە بۆ توركییا و خەلكێ زیان ڤێكه‌فتی

سەرۆکێ هەرێما کوردستانێ د سه‌ره‌دانا خۆ دا بۆ زیان ڤێكه‌فتێ یێن ئه‌ردهه‌ژا تورکییا ته‌كه‌ز کر” كو ئه‌وا: ئەوا د شییانێن مه‌ دا بیت دێ بۆ توركییا و سووريیێ ئەنجام دەین.

ئه‌ڤرۆ سێشه‌مبی 14ی 02 ی 2023 ێ” نێچيرڤان بارزانى، سه‌رۆكێ هه‌رێما كوردستانێ، بۆ ده‌ربڕينا هه‌ڤخه‌مى و هه‌ڤسۆزيىا خۆ و خه‌ڵكێ هه‌رێما كوردستانێ بۆ دیتنا زيان ڤیكه‌فتی ئه‌ردهه‌ژا ل توركییا ب‌ سه‌ره‌دانه‌كێ گه‌هشته‌ توركیيا و ل فڕۆكه‌خانا دیلۆکێ ژ لایێ پارێزگارێ بورسا ـ ڕێكخه‌رێ پارێزگه‌ها دیلۆکێ ڤه‌ پێشوازى لێ هاته‌ كرن.

نێچيرڤان بارزانى، پشتی سه‌ره‌دانا بنگه‌هێ سازییا سه‌رۆكاتییا رێڤه‌به‌رییا كاره‌سات و ره‌وشا ئاوارته‌ یا توركى (ئافاد) ێ د داخۆیانییه‌كا ڕۆژنامه‌ڤانی دا، ئاماژه‌ ب سه‌ره‌دانا خۆ كر و گۆت: زۆر سوپاس بۆ پارێزگاری و جێگرێ پارێزگاری بۆ وان ڕوونكرن و هووركاری یێن كو خستینه‌ به‌رچاڤ” حەز دكەم بۆ وان و هەموو گەلێ توركییا دیار بكه‌م كو ئامادەبوون و هاتنا مه‌، ب مه‌ره‌ما دەربڕینا هه‌ڤخه‌مى و هه‌ڤسۆزی و وەفادارییە بۆ توركییا و خەڵكێ زیان ڤێكه‌فتی و ب ناڤێ جەنابێ سەرۆك بارزانی و گەلێ كوردستانێ سەرەخۆشییێ ل هەموو ئەوان خێزانان دكەین یێن كو عه‌زیزێن خۆ ژ دەست داین و هیڤییا چاكبوونێ بۆ برینداران دخوازین.