ل رۆژا سێشه‌مبی 14ی 02 ی 2023 ێ” نێچيرڤان بارزانى، سه‌رۆكێ هه‌رێما كوردستانێ، بۆ ده‌ربڕينا هه‌ڤخه‌مى و هه‌ڤسۆزيیا خۆ و خه‌لكێ هه‌رێما كوردستانێ بۆ دیتنا زيان ڤێكه‌فتی یێن ئه‌ردهه‌ژا ل توركییا ب سه‌ره‌دانه‌كێ گه‌هشته توركیيا و سه‌ره‌دانا چه‌ندین خێزانان ل باژێرێ دیلۆكێ و تیمێن هه‌وارهاتنێ یێن هه‌رێما كوردستانێ ل وی باژێری كر و راگه‌هاندنا توركی گه‌له‌ك ب ئه‌رێنی به‌حسێ وێ سه‌ره‌دانا سه‌رۆكێ هه‌رێما كوردستانێ كر.
جه‌سیم ئیلهانی رۆژنامه‌ڤانه‌كێ كورده” ل باژێرێ ئیستانبولێ ” بۆ ئاژانسا خانی دیار كر: پشتی كو ئاژانسا ئانادۆلۆ به‌حسێ سه‌ره‌دانا نێچیرڤان بارزانی” سه‌رۆكێ هه‌رێما كوردستانێ بۆ باكوورێ كوردستانێ و وه‌لاتێ توركییا كری” راگه‌هاندنا توركی گه‌له‌ك ب گرنگی به‌حسێ وی سه‌ره‌دانا سه‌رۆكێ هه‌رێما كوردستانی بۆ وه‌لاتێ توركییا كرییه” د هه‌مان ده‌مدا راگه‌هاندنا وان دیار كرییه” كو سه‌رۆكێ هه‌رێما كوردستانێ هاتییه وی جهێ ئه‌ردهه‌ژێ لێدایی و زیان گه‌هاندییێ” سه‌ره‌دانا وه‌لاتییان ل باژێرێ دیلۆكێ كرییه”.
هه‌روه‌سا په‌رله‌مانتارێن پارتییا سه‌عاده‌ت ژی سۆپاسییا سه‌ره‌دانا نێچیرڤان بارزانی بۆ وه‌لاتێ توركییا كرییه” گۆتییه” د رۆژێن سه‌خت و دژوار دا وی سه‌ره‌دانا مه كرییه”.
دیسان كوردێن باكوورێ كوردستانی ل سه‌ر سۆشیال میدیایێ ب ره‌نگه‌كێ گشتی و ب سۆپاسی ڤه به‌حسێ سه‌ره‌دانا سه‌رۆكێ هه‌ڕێما كوردستانێ بۆ زیان ڤێكه‌قتی یێن ئه‌ردهه‌ژێ ل باكوورێ كوردستانێ كرییه”
هه‌روه‌سا ده‌وله‌تا توركییا و راگه‌هاندنا وان ب ره‌نگه‌كێ به‌رفره‌هـ گه‌له‌ك سۆپاسییا سه‌ره‌دانا سه‌رۆكێ هه‌رێما كوردستانێ بۆ وه‌لاتێ توركییا كرییه و سه‌ره‌دانا وی گه‌له‌ك ده‌نگڤه‌دان دناڤا راگه‌هاندنا وان دا هه‌بوویه.
