سەرۆکوەزیرێن هەرێما کوردستانێ دێ سەره‌دانا پاریس كه‌ت و دێ ل گەل سەرۆکێ فرەنسا كۆم بیت” د وێ کۆمبوونێ دا دێ ده‌ربارەیی ره‌وشا ئەمنی و ئابووری یا ڤێ ده‌ڤه‌رێ، هەروەسا پەیوەندی یێن هەولێر و بەغدا هێنه به‌حس كرن.
سه‌فین دزه‌یی، به‌رپرسێ فه‌رمانگه‌ها په‌یوه‌ندی یێن ده‌رڤه یێن هه‌رێما كوردستانێ دیار كر، مەسرور بارزانی، سەرۆکوەزیرێن هەرێما کوردستانێ دێ سەره‌دانا پاریس كه‌ت و سوبه‌هێ پێنجشەمبی دێ ل گەل ئیمانوێل ماکرۆن، سەرۆکێ فرەنسا کۆم بیت.
هه‌روه‌سا گۆت ژى: د كۆمبوونێن مه‌سروور بارزانى و به‌رپرسێن فره‌نسا دا دێ ره‌وشا ده‌ڤه‌رێ ب گشتى، پرسێن ئێمناهىیێ، ئابوورى، په‌یوه‌ندی یێن هه‌ولێر و به‌غدا و په‌یوه‌ندی یێن هه‌رێما كوردستانی ل گه‌ل وه‌لاتێن ده‌وروبه‌ر ب گشتی و ب تایبه‌تی فره‌نسا دێ هێنه به‌حسكرن.
