ئەردهەژەک ب هێزا 5.1 پلە رێختەر ل پارێزگەها هاتای ل باشوورێ تورکیا روودا، ل رۆژئاڤایێ کوردستانێ و باکوورێ سووریا و لوبنانێ ژی هاتیە هەستپێکرن.
سه‌رۆكایه‌تییا ب ڕێڤەبرنا كاره‌سات و ڕەوسا نە چاڤەڕێکری(AFAD) ڕاگەهاند، دەمژمێر 10:47 خولەکی ئەڤرۆ پێنجشەمبی 16ی شوباتا 2023، ئەردهەژەک بهێزا 5.1 پلە رێختەر، ل دەڤەرا ئارسوز یا سەر ب پارێزگەها هاتای ڤە روودا.
ل گۆرەی ڕاگەهاندنا ئافاد، ئەردهەژ ب کویراتیا 10.77کم هاتیە تومارکرن، دوپاتکر ژی، ئەردهەژ ل باکوورێ سووریا (ڕۆژئاڤایێ کوردستانێ) و لوبنانێ هاتیە هەستپێکرن.
دەزگەهێ ئافاد راگەهاند، پشتی هەردوو ئەردهەژێن بهێز یێن ڕۆژا 6 مەها شوباتێ تا نوکە 4 هزار و 326 پاش ئەردهەژێن دی رووداینە، کو هەشت ژ وان ب هێزا 6 پلە و 34 یێن دی ب هێزا 5 پلە بووینە.
