پارتى دیمۆكراتى كوردستان د كۆمبوونا لایهناندا دگهل هنارتییێ نهتهوهیێن ئێكگرتی ( یونامى ) ل عیراقێ، 33 كهیسێن گهندهلى و پێشلكارییان یێن راكان جبوورى پارێزگارێ كهركووكێ ب وهكالهت دانه دهستێ هنارتییێ یونامییێ.
پارتى دیمۆكراتى كوردستان ل كهركووكێ پشكدارى د كۆمبوونا لایهنێن سیاسیدا دگهل هنارتییێ نهتهوهیێن ئێكگرتی كر، و پاكێجهكا تایبهت ب رهوشا سیاسى و لهشكهرى و كارگێرى و خزمهتگوزارى و ههموو وان ئاریشهیێن ل سنۆرێ كهركووكێ ههین پێشكێشكر، و 33 كهیسێن گهندهلییێ یێن راكان جبوورى گههاندنه نهتهوهیێن ئێكگرتى، و ههموو حزب و لایهنێن سیاسى یێن كوردستان و عیراقێ پشتهڤانێن پاكێج و پرۆژهیێن پارتى دیمۆكراتى كوردستان بوون.
ل دووڤ وێ پاكێجا پارتى دیمۆكراتى كوردستان د كۆمبوونێدا دایه نهتهوهیێن ئێكگرتى، پارتى ئهڤ داخوازییه ل كهركووكێ ههبوون.
-
ڤهگهراندنا هێزێن پێشمهرگهى بۆ دهوروبهرێن باژێرێ كهركووكێ و قهزا و ناحییێن وێ ب ههماههنگى دناڤبهرا وهزارهتێن بهرهڤانى و پێشمهرگهیدا.
-
دهركهڤتنا ههموو هێزێن چهكدار و ئهمنى و میلیشیایان یێن كو پشتى 16ى ئوكتۆبهرێ چووینه وى باژێرى.
-
ڤهگهراندنا ئاسایشێ ب ههماههنگى و لێكتێگههشتنێ دگهل دامهزراوهیێن ئهمنى.
-
پێكئینانا ناڤهندهكا ئهمنییا ههڤپشك یان ژوورهكا ئۆپهراسیۆنێن ههڤپشك بۆ دامودهزگههێن ئهمنییێن دناڤ باژێریدا.
-
ههلگرتنا ئالایێ كوردستانێ ل تهنشت ئالایێ عیراقێ ل ههموو پشكێن پارێزگههێ و دههلكهڤتێن فهرمیدا.
-
لهز د گوهۆرینا پارێزگارێ ب وهكالهتدا بهێتهكرن.
-
ههلبژارتنێن پارێزگههان بهێنهكرن و كهركووك ژ ڤى مافێ دهستوورى نههێته بێبههركرن.
-
لهشكهر و گرۆپێن چهكدار ژ ناكۆكییێن سیاسى بهێنه دوورخستن و بۆ بهرژهوهندییێن لایهنهكێ سیاسى نههێنه بكارئینان.
-
زمانێ كوردى بۆ نڤیسینێن فهرمى یێن حكومهتێ ل كهركووكێ بهێته ڤهگهراندن.
