ژێهات حەیدەر
دیرۆکا کوردایەتییێ پێکهاتییە ژ دنیایەکا سەرئەڤرازی و نشیڤییان و بێ جوداهی گەلێ مە کەفتییە ل بەر پێلێن ئەجندایێن ولاتێن جیران، نەمازە ل بەر بارۆڤەیێن وەلاتێ عیراقا هندە سالێن چاڤگرتن و پێشێلکرنا هەمی رەنگێن پشتگوهـ هاڤێتنا مافێن مرۆڤایەتییێ دژی کوردایەتییێ و ژیان دوستییێ، جیهانا ژدەرڤە بێکولا راستڤەکرنا خەلەتییێن خوە یێن چەرخێن خوینرشتنێ و تایفەگەرییێ دکرن و هەتا گەهشتینە دەرئەنجامێ شۆرەشێن هزری و دانانا بەرێ بنیاتێ ئاڤاکرنێ ژبۆ خوە و ژبۆ ژیانکرنەکا خوەشتر بەرامبەر مەزنترین ئیمپراتوریەتێن جیهانێ، مە ل ڤێرە، عیراق ل هەسارەیەکا دی نە ئینایە کو نەبیتە نمونەیەکا ساڤا د ڤان چاڤزلبوون و خوە سەر پێگرتنێ، بەلکو عیراق ئەو وەلاتە یا کو شارستانیەتا وێ خەلکێ جیهنا ژدەرڤە ل سەردەمێن خوەدا حەسودکرین و بوویە دەروازەیێ شارستانیەتا مرۆڤبوونێ، لێ دەما کو جاران دۆزا کوردان هاتبیتە ل سەر مێزا ئەجندایێن ئارمانج گرتنێ، ل وی دەمی ئەڤ وەلاتێ تایفەگەرییێ داگیرکری ئارمانجا خوە یا هەری مەزن دکرە خوینرشتن و داگیرکرنا کوردستانێ و بچویککرنا دیموگرافیا سنوران، پشتی ل سالا 1946 پارتی دیموکراتی کوردستان هاتییە د قادا هەبوونێ دا، ل وی دەمی هەمی وەلاتی خوە ل بن سیبەرا ڤێ پارتێ ڤەگرت و ب دەهان خەلکێ مە و چینێن جودا قەستا ل ناڤا شۆرەشێن کوردی کرن و بوونە هێڤێنێ ژیان بەخشینا خوە ژ بۆوی ئەو وەلاتێ ب هزارەها خەلک چاڤەرییێ رۆناهییەکێ دا کو خوە ل دەدرۆرێن وێ کوم ڤەکەن و ئەڤ خەباتە بوو ئەگەر کو سەرکردایەتییا پارتی و ب گۆتنا بابێ روحی مەلا مستەفا بارزانی، ئەو بوو ل 18/2/1953 ئێکەتییا لاوان و قوتابیان هاتنە دامەزراندن و ڤان هەردو ئێکەتییێن ناڤبری رۆلەکێ مەزن و بەرچاڤ گێرا ژبووی سەرکەفتنا دۆزا مللەتێ خوە و ب دەهان قوربانی دان هەتا گەهشتینە وێ ئارمانجا ئەڤ رێکخراوە پێ هاتینە راسپاردن و شیان ببنە مەزنترین بنگەهێ پێگەهاندن و سەرکەڤتنا کادر و سەرکردێن بلیمەت و قەهرەمان و چاڤ نەترس بەرامبەر هەر ئەرکەکێ پێ هاتبنە راسپاردن، ئەڤە هێزا دلسوزی و رۆناهیا گوتنا یان وەلات یانژی قوربانی ژبۆی سەرکەڤتنێ و دەرکەڤتن ل ژێر فەرمانێن رژێمێن ئێک ب؟ئێکێن ل ڤی وەلاتیدا بووینە مەزنترین خوین مێژ.
