بهرێزان سكرتێر و ئهندامێن مهكتهبا سكرتاریهت و ههڤالێن لیژنێن راپهراندنا ئێكهتیا قوتابیێن كوردستانێ..
ئهڤرۆ ههلكهفتا دامهزراندنا ئێكهتیا قوتابیێن كوردستانێیه، ڤێ رێكخراوا تێكۆشهر كو بهرى 70ێ سالان ب بریار و رێنمایێن بارزانیێ نهمر و پارتى دیموكراتى كوردستان ل 18-2 1953ى هاته دامهزراندن، دهستكهفتهكێ دى یێ گرنگ و لڤنێن رزگاریخوازێن مللهتێ مه، ههروهسا ئێكهمین سهكۆیێ رێكخراوێن پیشهیى یێ قوتابیانه د دیرۆكا دێرین و نویدا د ناڤ تهخ و چیناندا.
ئێكهتیا قوتابیێن كوردستانێ، رێكخراوهكا گرنگه دناڤ بزاڤا رێكخراوا كومهلگهها مهدا، ژبهرهندێ قوتابیان رۆلهكێ كاریگهر ههیه د پێشكهفتن و گهۆرین و پێشڤهبرنا وهلات و كۆمهلگههێ.
رۆل و سهنگا ئێكهتیا قوتابیێن كوردستانێ د ههمى رهوشاندا یا گرنگ و ههستیاربوو، ههمى دهمان هێزهكا جڤاكى و مهدهنى بوو ل پێناڤ زهحمهتێن پرۆسا پێگههاندن و هشیاركرنێ د زانینێدا.
ب درێژیا خهباتا وێ رێكخراوێ وهك نوینهرا راستهقینه ژبۆ چینا قوتابیان، ب بهرپرسانه داكوكى ل داخوازیێن ههمى قوتابیان و پشتهڤانا داخوازێن رهوایێن وان بوویه، ههروهك ل ههمى قوناغێن خهباتا رزگاریخوازا نهتهوهیى ئامادهی رۆلهكێ بهرچاڤ ههبوویه، ژبهرهندێ دیرۆكا وان جهێ شانازیێ یه، كو ب دههان سهركرده و كهسایهتیێن رۆشنبیر و سیاسهتمهدار پێگههاندینه.
هیڤیخوازین ژ نوكه و وێڤه گیانێ بهرپرسیارهتی و دلسوزانه بهردهوامبن د نوینهراتیكرنا ههموو قوتابیێن كوردستانێ و لدویڤ گهۆرینێن سهردهمى نویبوونان د كارێ رێكخراوێدا بكهن و كارو چالاكیان د ههمى ئاستاندا گرنگیێ پێ بدهن و ب رهنگهكێ كو خزمهتا وێ چینا زانست، خۆێندن، رهوشهنبیرى و پهروهردهى دروست و دروستكرنا تاكێ بهرههمداربیت ل وهلاتێ مه.
ب ڤێ ههلكهفتێ سهرهرایى پیرۆزباهیان ل ههوه و ههمى كادر و ئهندامێن رێكخراوێ و ههمى قوتابیێن كوردستانێ دكهین، پشتهڤانیا خو بۆ ههمى قوتابێن كوردستانێ و پشتهڤانیا خۆ بۆ داخوازیێن ههوه دووباره دكهین، دخوازین ههردهم دا ئاست و وێ پهیاما پیروز دابن و دهستكهفتێن زێدهتر بۆ قوتابیان بجهـ بینین.
سلاڤ ل گیانێ پاكێ وان دهسپێشخهر و سهركردهو كادرێن ب رێكا خهباتا ئێكهتیا قوتابێن كوردستانێ گیانێ خو كریه قوربانى.
سلاڤ ل خهبات و ههلكهفتا70ێ سالیا دامهزراندن و خهباتا بهردهوام یا ئێكهتیا قوتابێن كوردستانێ.
