كۆمپانی یێن ماجد ئه‌لفه‌تیم دێ سێڤێن به‌روارییان كرن

فه‌رمانگه‌ها میدیا و زانیارى یا حكومه‌تا هه‌رێما كوردستانێ دیار كر، كۆمپانی یێن ماجد فه‌تیم دێ سێڤێن به‌روارى بالا كڕن.

ڕزگار حەمەد، شیره‌تكارێ وەزارەتا چاندنێ ل پێگەهێ فەرمی یێ حکومەتا هەرێما کوردستانێ ڕاگەهاند: “باشترین جۆرێن سێڤان ل هەرێما کوردستانێ دهینه‌ به‌رهه‌مئینان و مه‌ گه‌له‌ك بزاڤ كرینه‌ ب تایبەت بۆ زه‌ڤی یێن چاندنێ چارەسەرییا ئاریشان ب بازاڕکرنا وان بۆ بکەین.”

فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند‌، د كۆربه‌ندێ داڤۆس دا سه‌رۆكێ حكومه‌تا هه‌رێما كوردستانێ، مه‌سرور بارزانى، ل گه‌ل خودانێ كۆمپانی یێن ماجد ئه‌لفه‌تیم، كو كۆمپانیا هایپه‌ر ماركێتێن كارفۆر ب خۆڤه‌ دگریت كۆمبوویه‌ و به‌حس ل سێڤا به‌روارى بالا هاتییه‌ كرن و كۆمپانی یێن ماجد فه‌تیم بڕیار دایه‌ سێڤێن به‌روارى بالا بكڕن، ژبه‌ركو باشترین سێڤا هه‌رێما كوردستانێیه‌.

دلشێر به‌رده‌ره‌شى، شیره‌تكارێ پێشكه‌فتى ل نڤێسینگه‌ها سه‌رۆكێ حكومه‌تێ دیاركر: جهێ خۆشحالییێ یه‌ ل هه‌یڤا ١٢\٢٠٢٢ و ل ده‌مێ سەره‌دانا تیمێ مه‌ بۆ دەڤەرا كانیماسێ یا سەر ب قەزا ئامێدییێ ڤه‌ ل پارێزگه‌ها دهۆكێ، ئه‌م شییان هەڵسەنگاندنێ بۆ سێڤا وێ ده‌ڤه‌رێ بكه‌ین و ژ لایێ كۆمپانی یێن كەرتێ تایبەتڤە نموونە ژ وان سێڤان هاتنه‌ وه‌رگرتن و پشکنین بۆ هاته‌ كرن.