وەزارەتا ئەوقاف و كاروبارێن ئایینی یا حكومەتا هەرێما كوردستانێ مەرجێن گهۆرین و ( تەنازولێ ) بۆ پرۆسەیا حەجێ یا ئەڤسالە راگەهاندن.
ل دویڤ مەرجێن وەزارەتا ئەوقافێ، هەر وەلاتییەكێ ناڤێ وی بۆ ئەنجامدانا فەریزەیا حەجێ دەرچووبیت و وەغەرا دووماهییێ كربیت، ئێك ژ خێزانا وی كو ناڤێ وی ل ( قەسام شەرعی ) بیت دشێت ل جهێ وی بچیتە حەجێ ب رازەمەندییا میراتگرێن وی.
هەروەسا، ئەگەر وەغەركری وەك ( مەحرەم ) هاتبیتە تۆماركرن، مەحرەمەكێ ( ئەبەدی ) یێ وێ ئافرەتێ دشێت جهێ وێ بگریت.
سەبارەت مەرجێن ( تەنازولێ ) د پرۆسەیا حەجێ دا وەزارەتا ئەوقافێ دیاركریە، ئەو پشكا بۆ خێزانێن شەهیدان دهێتە تەرخانكرن، سەرجەم مامەلەیێن وان یێن ( تەنازولێ ) دێ ژلایێ فەرمانگەها وان یا تایبەت ل سنوورێ پارێزگەها وان هێنە ئەنجامدان.
ل دویڤ بریارا وەزارەتا ئەوقافێ ئەو خالێن دیاركری بتنێ بۆ حەجا ئەڤسالە دێ هێنە جێبەجێكرن.
