پەرلەمانتارەکا پارتی: ھەرێما کوردستانێ دێ ھەر مینیت کییانەکێ ده‌ستووری

ئاژانسا خانی ” تایبەت:

لدۆر بەلاڤکرنا بابەتەکی ل رۆژناما ئه‌لسەباح یا عیراقی پەرلەمانتارەکا پارتی ل پەرلەمانێ کوردستانێ ھۆشدارییێ ددەت لدۆر گەفێن ل سەر ھەرێما کوردستانێ دھێنە کرن و دبێژیت، کییانێ ده‌ستوورییێ ھەرێما کوردستانێ دێ مینیت و بەرەف سەرکەفتن و پێشکەفتنێن مەزن ژی چیت.

لەنجە دزەیی، پەرلەمانتارا فڕاکسیۆنا پارتی ل پەرلەمانێ کوردستانێ بۆ ئاژانسا خانی دیار کر” ھەرێما کوردستانێ کییانەکێ ده‌ستووریە و بەرھەمی دەریایەکێ خوینا شەھید و قوربانی یێن خەلکێ ھەرێما کوردستانێیە، بەرۆڤاژی ئەڤێن ھاتینە سەر سفرا حازر دەست و دارێن نەیارێن کوردانن، بەری نوکە ژی بزاڤ بۆ نەھێلانا کییانێ ھەرێما کوردستانێ کرییە، بەلێ بەرسڤا خوە ژلایێ خەلکێ کوردستانێ وەرگرتییە و خەونا وان نەھاتییە بجهئینان.

ناڤهاتییێ گۆت ژی” ئەم دبێژینە وان کەسێن بەحسێ نەمانا کییانێ ده‌ستووری و قانوونییێ ھەرێما کوردستانێ دکەن ھەرێما کوردستانێ خودانێ خوە ھەیە و د دەستەکێ ئەمیندایە، کییانێ ھەرێما کوردستانێ دێ هه‌ر مینیت، سال بۆ سالێ دێ بەرەف پێشترڤه‌ بەین بۆ بدەستڤە ئینانا دەستکەفتنێن مەزنتر و گەلێ مە دێ ھەر بەرەف سەرکەفتنێ چیت.