ئەرێ راستە گیانەوەر بەری مرۆڤی ھەست ب ئەردھەژێ دکەن

ھندەک جورێن ئاژەل و تەرش و تەوالی ھێزا بیستن و ھەستێن بھێزتر ل مرۆڤی ھەنە و شارەزایەکژی دبێژیت، ھندەک جورێن گیانەوەران بەریا مرۆڤان ھەست ب ھاتنا ئەرد ھەژینێ دکەن.

ئەژی چەتو، سەرۆکێ رێکخراوا فەلەکناسیا کوردستانێ بۆ ئاژانسا خانی دیارکر” پێشبینی بۆ ئەرد ھەژینێ ناھێنەکرن، بەلێ بەری دەمێ ئەرد ھەژین پەیدا دبیت ئاماژە ھەنە بۆ نموونە ب رێیا گیانەوەر و تەرش و تەوالی مرۆڤ دزانیت ئەڤە تشتەکێ نە ئاساییە وەکی ئەرد ھەژینێ.

ئەڤی شارەزایێ فەلەلەکناسیێ گۆتژی” زۆر جورێن گیانەوەران ھەنە مینای سەی ھەستا بیستنێ زێدەترە، لەوڕا دەمێ ئەرد ھەژین پەیدادبیت ئەو ھەست بڤێ چەندێ دکەن ئەرد ھەژینە، یان چەند جورەکێن تەرش و تەوالی ھەنە ھەستا وانا زێدەتری ل ھەستا مرۆڤان، چونکە زۆر جاران دەمێ ئەرد ھەژیت دەنگەک لبن ئەردی دھێت و مرۆڤ ھەست پێناکەت بەلێ گیانەوەر دزانن.

ئەژی چەتوی ئاماژەکر” گیانەوەر نەشێن ببنە ئەگەرێ قورتالکرنا مرۆڤی ل ئەرد ھەژینێ، ژبەرکو دەمێ ئەرد ھەژینێ چەند چرکەیەکن و زۆر ڤەناکێشیت، ئەڤەژی دبیتە ئەگەر تنێ گیانەوەر چەند چرکەیەکا بەری مرۆڤی ھەست ب ھەژینا ئەردی بکەن.