بەرپرسەکێ پارتی : تەعریبا ل سەر کەرکووکێ بەرەڤ زێدەبوونێیە

بەرپرسەکێ پارتی دیموکراتی کوردستان ل کەرکووکێ ئاشکراکر، پرۆسا تەعریبێ ل کەرکووکێ یا بەردەوامە و پارێزگارێ سەپاندی ژی ل سەر کارێن خوە یێن نەقانوونی یێ بەردەوامە، ئەڤەژی بوویە ئەگەر ھژمارەکا زۆرا عەرەبێن شۆڤێنی ل دەڤەرێن دی بھێنە ناڤا کەرکووکێ.

محەمەد کەمال، بەرپرسێ لقا سێ یا پارتی ل کەرکووکێ بۆ ئاژانسا خانی دیارکر، رەوشا کەرکووکێ وەك خوه‌ ب شێوەیەکێ نەئاسایی بڕێڤەدچیت و ژلایێ دەستھەلاتدارێن نوکەیێن کەرکووکێڤه‌ پرۆسا تەعریبێ ب شێوەیەکێ بەرنامە بۆ ھاتیە دانان ب ڕێڤەدچیت، ب تایبەتی ل سەر دەستی پارێزگارێ سەپاندییێ کەرکووکێ راکان جبووری كو ھەوەك بۆ ب عەرەبکرنا کەرکووکێ ھاتیە دەستپێکرن و ھژمارەکا مه‌زن یا عەرەبێن شۆڤێنێ ل دەرڤەی کەرکووکێ ھاتینە ناڤا کەرکووکێ و ئاکنجی بووینە.

محەمەد کەمال گۆتژی، گوهۆرینا بەرپرسێن ئیداری ل کەرکووکێ بزاڤەکا دییە بۆ درێژیدان ب تەعریبا ل سەر کەرکووکێ و ئەگەر رەوش نەھێتە ئاساییکرن دێ مەترسیێن مەزن ل سەر کەرکووکێ پەیدابن، ژبه‌ركو پارێزگارێ سەپاندییێ کەرکووکێ ب شێوەیەکێ نەقانوونی بڕیاران دەردکەت و دژایەتییا کوردان دکەت.