ئه‌ڤ سـالـه‌ 11 كــه‌س سه‌را بڕینا داران و تێكدانـا ژینگــه‌هێ هــاتینه‌ گــرتن

 

ئاژانسا خانی ” زنار تۆڤی:

عه‌مید جه‌مال سه‌عدو كوركی، به‌رپرسێ هێزێن پێشمەرگێ پاراستنا ژینگەهێ ل پارێزگه‌ها دهۆکێ، بۆ ئاژانسا خانی دیار كر: سێ كه‌سان ل سنۆرێ ئیدارا سه‌ربه‌خۆیا زاخۆ” هژماره‌كا زۆر یا دارێن مه‌زن بریبوون و سوتبوون و وان كارگه‌هه‌كا ره‌ژییێ چێكربوو” ئه‌و شییان وان هه‌رسێ كه‌سان ده‌سته‌سه‌ر بكه‌ن و لدووڤ قانوونێ دێ پێرابوونان ژێ وه‌رگرن ” هه‌روه‌سا هێزێن پاراستنا ژینگه‌هێ به‌ری چه‌ند رۆژان شییان شه‌ش كه‌سان ب بیكه‌بێن دارێن ته‌رڤه‌ ل سنۆرێ ناحییا ئه‌ترۆشێ و ده‌وروبه‌رێن ناحییا زاویته‌ بگرن.

ناڤهاتی گۆت ژی: د ئه‌ڤ ساله‌ دا ئه‌و شییاینه‌ 11 كه‌سان سه‌را برینا داران و تێكدانا ژینگه‌هێ بگرن و ل سالا بوری وان 24 كه‌س سه‌را برینا داران گرتبوون و ل سالا 2021 ێ” وان 46 كه‌س سه‌را برینا داران و تێكدانا ژینگه‌ها كوردستانێ گرتبوون” د ئه‌ڤ ساله‌دا برینا داران ژ لایێ خه‌لكێ ڤه‌ كێمتربوویه‌ و د هه‌مان ده‌ما مه‌فره‌زێن مه‌ یێن گه‌رۆك ب ره‌نگه‌كێ به‌رده‌وام چاڤدێرییا ژینگه‌هێ دكه‌ن و دیسان ئه‌و كه‌سێن مه‌ گرتین ژی هه‌موو ئه‌ون یێن كو بازرگانییێ ب داران دكه‌ن و داران دفرۆشن و مه‌ پێرابوونێن توند ژی د ده‌رهه‌قێ وان دا وه‌رگرتینه‌.

به‌رپرسێ هێزێن پێشمەرگێ پاراستنا ژینگەهێ ل پارێزگه‌ها دهۆکێ هێشتا دبێژیت: ئه‌ڤ ساله‌ سه‌رپێچی یێن دیتر ژی هه‌بووینه‌” ده‌رباره‌یی كوشتنا كه‌وان و د ئه‌ڤ ساله‌ دا مه‌ 9 كه‌س گرتینه‌ و ل سالا بوری مه‌ دو كه‌س سه‌را كوشتنا كه‌وان گرتبوون” لێ ئه‌ڤ ساله‌ ئه‌و رێژه‌ پتر بوویه‌ و خه‌لك دچنه‌ شه‌ڤیارێ و كه‌وان دكوژن” به‌لێ هێزێن پێشمەرگێ پاراستنا ژینگەهێ ل هەموو جهان چاڤدێرییا ژینگەهێ دكه‌ن و رێكێ ل وان کەسان دگرن یێن کو بزاڤێن تێکدانا ژینگەهێ دكه‌ن.