ڕێڤەبەرییا بەڕەڤانییا باژێری ل ئیدارا سەربەخۆ یا زاخۆ ڕاگەهاند، پشتی پەیوەندی ب وان هاتیە کرن ب هەبوونا تەقەمەنیەکێ ژ جورێ “بەرکێ 122ملیم” ل ناڤ بیستانەکێ زاخۆ، پەیوەندی ب هوبا بومبە و تەقەمەنیا ل پارێزگەها دهۆکێ هاته كرن ژ بۆ ڕاکرن و چارەسەرکرنا وێ تەقەمەنیێ.
ڕێڤەبەرییا بەڕەڤانییا باژێری یا زاخۆ ئاماژە کریە، ب سەرپەرشتیا (رائد/جمال هسن خلیل) رێڤەبەرێ بەڕەڤانییا باژێری ل ئیدارەیا سەربەخۆ یا زاخۆ قەستا جهێ تەقەمەنی لێ هاتیە دیتن کرن.
دیارکر ژی، پشتی کارمەندێن ڕێڤەبەرییا باژێری ل زاخۆ دەست ب کارێ ڕاکرنا وی بەرکێ 122 ملیم کری شیان شەش بەرکێن دی ئانکو ب گشتی حەفت بەرکێن 122 ملین ژ بن ئاخێ بیننە دەر و مەترسییا وان نەهێلن.
