حەفت پەرلەمانتار دێ دەست ژ كار کێشن

 ل ده‌ستپێكا هه‌یڤا بهێت پەرلەمانێ کوردستانێ دێ كۆم بیت و دێ دەنگ ل سەر پڕۆژە قانوونا كاری ل هەرێما كوردستانێ و داخوازا ده‌ست ژ ‌كار كێشانا حەفت پەرلەمانتاران هێته‌ دان.

سامان ئەحمەد بەکر، رێڤەبەرێ راگەهاندنا پەرلەمانێ کوردستانێ دیار كر: ل رۆژا چارشەمبی 1/3/2023 ێ، پەرلەمانێ کوردستانی دێ روونشتنا ژماره‌ (1) یا ئاسایی یا خولا بهاری یا سالا پێنجێ ژ ‌خولا پێنجێ ئەنجام دەت.

گۆت ژی: د وێ کۆمبوونێ دا پڕۆژە قانوونا كاری ل هەرێما كوردستانێ و داخوازا دەست ژ کارکێشانا حەفت پەرلەمانتاران دێ ئێخنه‌ به‌ر دەنگدانێ کو پێكهاتینه‌ ژ:شێركۆ جەودەت، ئەبوبەکر عەبدوڵڵا، ئیسماعیل عەلی، سەرچنار ئەحمەد، هەڵز ئەحمەد، عەلی حەمە ساڵح و کازم فاروق”.

ل ده‌ستپێكا وێ كۆمبوونێ، سەرۆکا پەرلەمانێ کوردستانێ دێ په‌یڤه‌كا تایبەت ب خولا بهاری یا سالا پێنجێ ژ خولا پێنجێ خوینیت و پاشی سەرۆكێن فراكسیۆنێن پەرلەمانی دێ په‌یڤه‌كێ پێشکێش کەن.