دەربارەی ئازادییا ڕادەربڕینێ ل هەرێما کوردستان، نه‌قیبێ سه‌ندیكا رۆژنامه‌ڤانێن كوردستانێ ڕاگەهاند،”ڕەوشا ئازادییا ڕۆژنامەڤانی ل هەرێما کوردستانێ بەراورد ب سالێن بووری باشترە.”
ئازاد حه‌مه‌ده‌مین نه‌قیبێ سه‌ندیكا رۆژنامه‌ڤانێن كوردستانێ دا هەڤپەیڤینەکا رۆژنامەڤانیدا ڕاگەهاند،”ل گۆرەی داتا و ڕاپۆرتێن سەندیکا ڕۆژنامەڤانێن کوردستانێ دیاربوویە، پێشتر دۆسەیێن گرتن، شکاندنا کەلوپەلان، دەستەسەرکرن و تیرۆرکرنێ هەبووینە، بەلێ د ڕاپۆرتا سالا بووریدا، بتنێ گرتنا دەمکی هەبوویە کو گرێدایە کو پەیوەندی ب کارێ ڕۆژنامەڤانیڤە نەبووویە، ئەم دشێین بێژین ڕەوشا ڕۆژنامەڤانیی ل هەرێما کوردستانێ بەراورد دگەل سالێن بووری باشترە.”
هەروەسا نەقیبێ ڕۆژنامەڤانان گۆت:” دەربارەی دەستەسەرکرنا ڕۆژنامەڤانان، پێدڤییە ئەم ثشتگریدانێ ل سەر وان دۆسەیان بکەین یێن کو دجنە دادگەهێ، ئانکو وان دۆسەیێن کو ڕۆژنامەڤان لسەر کارێ وی هاتبیتە دەستەسەرکرن، د ئەڤ سالەدا چ دۆسەیێن ب ڤی ڕەنگی نەبووینە.”
