لەتیف ڕەشید: پێدڤیە دیتنا مە ل سەر باشترکرنا ژیانا ڕۆژانە یا وەلاتییان بیت

سەرۆک کۆمارێ عیراقێ ڕادگەهینیت، پڕانیا عیراقییان وەسا هزر دکەن کو شەڕێ ئەمریکا و هەڤپەیمانان ل دژی عیراقێ، ژ ئەگەرێ هوڤاتی و دکتاتوریەتێ یێ پێدڤی بوو، دوپات دکەت ژی، شەڕێ ئەمریکا بۆ ڕزگارکرنا عیراقێ بوو ژ دەستێ زۆلم و زۆردارییێ.

له‌تیف ره‌شید، سەرۆککۆمارێ عیراقێ د هەڤپەیڤینەکا ڕۆژنامەڤانیدا دگەل ئاژانسا ئەسوشیتد پرێس ڕاگەهاند، د نوکە دا ئاشتی و ئارامیی ب سەر عیراقێدا هاتیە و ژیان د وەلاتی دا یا ئاسایی بوویە.
سه‌رۆککۆمارێ عیراقێ ڕاگەهاند ژی، پشتی بیست سالێن دەربازبووی گەلێ عیراقێ گەلەک بارگرانێ و ئاستەنگی دەربازکرن، لەوڕا پێدڤییە دیتنێن مە ل سەر باشترکرنا ژیانا ڕۆژانە یا وەلاتییان بن.

سه‌رۆککۆمارێ عیراقێ گۆت:” پڕانیا عیراقییان وەسا هزر دکەن کو شەڕێ ئەمریکا و هەڤپەیمانان ل دژی عیراقێ، ژ ئەگەرێ هوڤاتی و دکتاتوریەتێ یێ پێدڤی بوو.”

دیارکر ژی، پڕانییا عیراقییان ب كورد، سوننه‌، كریستیان و شیعه‌یان ڤە ل دژی رژێما پێشتر یا عیراق و سه‌دام حسێنی بوون.