د. محەمەد شوکری: مە داخواز کرییە ل كوردستانێ ژی قستێن وەبەرھێنانێ ب دیناری بهێنه‌ دان

ئاژانسا خانی ” تایبەت:

سەرۆکێ دەستەیا گشتی یا وەبەرھێنانێ ل هه‌رێما كوردستانێ ئاشکرا کر، ھێشتا بڕیارا دانا پارەیی ل جهێ دۆلاری نەچوویە د بیاڤێ بجهئینانێ دا و دبێژیت، مە داخوازکرییە ل ھەرێما کوردستانێ ژی وەلاتی قستێن وەبەرھێنانێ پارەی بدەن نەکو دۆلاری .

د. محەمەد شوکری، زێده‌تر بۆ ئاژانسا خانی دیار کر”دەستەیا وەبەرھێنانا عێراقێ نڤیسارەک بۆ وەبەرھێنانا پارێزگەھێن خوە ھنارتییە لدۆر وەرگرتنا پارەیی ل شوینا دۆلاری، بەلێ ھێشتا نەکەفتییە د بیاڤێ بجهئینانێ دا، چونکی پێدڤی ب دەرکرنا رێنمایان ھەیە و دڤێت کۆمپانیێن وەبەرھێنانێ خوە ل بانکەکێ تۆمار بکەن ب مەرجەکی وێ بانکێ مۆھلەتا بانکا ناڤەندییا عێراقێ ھەبیت” ل دووڤدا دێ بڕیارا دانا پارەیی ل شوینا دۆلاری کەڤیتە د بیاڤێ بجهئینانێ دا.

ناڤهاتی گۆت ژی” مە ژی وەکو ھەرێما کوردستانێ داخواز کرییە ھەرێما کوردستانێ ژی ڤەگریت، بەلێ ھەتا نوکە یا دیار نینە دێ چاوا ھێتە بجهئینان، حوکمەتا عێراقێ و بانکا ناڤەندی رژدن ل سەر وەرگرتنا بھایێ دۆلاری ب ١٣٢ ھزار دیناران، ئەم یێ بزاڤان دکەین ئەو بڕیارە ل ھەرێما کوردستانێ ژی بھێتە بجهئینان و جۆداھی نەھێتە كرن دناڤبەرا پارێزگەھێن ھەرێمێ و باشوور و ناڤەڕاستا عێراقێ، ھەرێما کوردستانێ یا کار دکەت بۆ وەرگرتنا پارەیی ل شوینا دۆلاری.