ژبه‌ر دزینا نه‌فتێ 15 سالان هاتنه‌ زیندان كر

ل پارێزگه‌ها میسان سه‌را دزینا نه‌فتێ شه‌ش وه‌لاتى 15 سالان هاتنه‌ زیندانكرن.

ئه‌ڤرۆ سێشه‌مبی 28 ی شواتا 2023 ێ” جڤاتا بلند یا دادوه‌رى راگه‌هاند، ب تاوانا دزینا نه‌فتێ ژ بۆرییا سه‌ره‌كى یا دناڤبه‌را پاریزگه‌هێن میسان و به‌سرا دا ، شه‌ش كه‌س هاتنه‌ دادگه‌هكرن و ب 15 سالێن زیندانكرنێ هاتینه‌ سزادان.

وان هه‌ر شه‌ش كه‌سان بۆرییا سه‌ره‌كى یا دناڤبه‌را هه‌ردو پارێزگه‌هان دا كونكربوو، برێیا بۆرییه‌كا پلاستیكى نه‌فتا خاڤ ب قه‌چاخى دبر.

هه‌روه‌سا جڤاتا بلند یا دادوه‌رى ل عیراقێ دیار كرییه‌، وان كه‌سان نه‌فت ژ كێلگه‌هێن بزركان یێن پارێزگه‌ها میسان برییه‌، لدووڤ مادێ 4 یێ به‌هنگاربوونا تیرۆرێ و مادێ 6 یێ به‌رهنگاربوونا ب قه‌چاخبرنا نه‌فتێ و به‌رهه‌مێن وێ ئه‌و هه‌ر شه‌ش كه‌س هاتینه‌ سزادان.