د.عەلی تەتەر، پارێزگارێ دهۆكێ ئەڤرۆ پەیامەك بهه‌لكه‌ڤتا یادا سه‌رهلدانێ بەلاڤكر و ڕاگەهاند، د بیرەوەریا دەربازبوونا 32 سالان ب سەر سەرهەلدانا گەلێ کوردستانێ دژی داگیرکەر و ئەنفالچیان، پیرۆزباهییەکا گەرم ل هەمی گەلێ کوردستانێ ب پێشمەرگە و جەماوەرێ سەرهەلدایێ وان رۆژێن پر سەروەری دکەین و سەرێ رێزێ بۆ شەهیدێن سەرهەلدانێ و ئازادکرن و پاراستنا کوردستانێ دچەمینین.
د.عەلی تەتەر دیاركر، ئازادیا ئەڤرۆ ئەم تێدا بەرهەمێ خەباتەکا دوور و درێژ و ب خۆینا دەهان هزار شەهیدان هاتیە دەست، پاراستنا ڤان دەستکەفتا و ئازادیا کوردستانێ و بزاڤ بۆ پێشڤەبرن و ئاڤەدانکرنا کوردستانێ ئەرکێ مە هەمییانە.
