د ڕاپۆرته‌كا گۆڤارا “زە ئیكۆنۆمیست” یا بریتانی دا، رۆناهی خستییه سه‌ر هاتنوچوونێ ل بەغدا یا پایتەختێ عێراقێ و ب ئێك ژ خرابترین پایتەختێن ڕۆژهەڵاتا ناڤین ژ روویێ هاتنوچوونێ ڤه وەسف كرییە.
وێ ڕۆژنامێ دیار كرییە، شەڕێ ناڤخۆ و هێرشێن تیرۆریستی یێن ڕۆژانە ل سالێن بوری دا ،عێراقی ماینه دناڤا مالێن خۆ دا، بەلێ گوهۆرین ب سه‌ر ڤێ چه‌ندێ دا هاتینه.
هەروەسا دبێژیت: قەرەباڵغا هاتنوچوونێ پایتەختی د خه‌ندقینیت، چونكی وه‌لاتی ده‌مژمێره‌كێ دچن هه‌تا دگه‌هنه وی جهێ وان بڤێت.
ئه‌و ڕۆژنامە دیار دكه‌ت ژی، ل سالێن پێنجی یان ل سه‌دێ بوری عیراقێ باشترین سیسته‌مێ ڤه‌گۆهاستنێ هه‌بوو ل ڕۆژهەڵاتا ناڤین و ئێكه‌م وه‌لات بوو ل ڕۆژهەڵاتا ناڤین پاسێن دو قاتی ب كار دئینان.
