نێچيرڤــان بــارزانى و ميــر حـــازمی تــه‌كــه‌زی ل سه‌ر بجهئینانــا رێككه‌فتنـــا ئـــاساییکـــرنــــا شنگـــالــــێ كـــــر

سەرۆکێ هەرێما کوردستانێ و میرێ ئیزدیان، ته‌كه‌زی ل سه‌ر گرنگيیا  به‌رده‌وام ب ره‌وشا ئێزدييان و ‏بجهئینانا رێككه‌فتنا ئاساييكرنا ره‌وشا شنگالێ كر.

ئه‌ڤرۆ دوشه‌مبی‌ 2023/3/6 ێ” نێچيرڤان بارزانى، سه‌رۆكێ ‏هه‌رێما كوردستانێ، پێشوازى ل مير حازم ته‌حسين به‌گ، ميرێ ئێزدييان ‏كر.‏

د وێ ديدارێ دا ره‌وشا ئێزدييان ل كه‌مپێن ئاواران و شنگالێ و ل‌ ده‌ره‌ڤه‌یى ‏وه‌ڵاتی هاته‌ به‌حس كرن و تيشك خسته‌ سه‌ر به‌رده‌واميیا پرۆسا رزگاركرنا ره‌ڤاندییان و ژيان و ره‌وشا رزگاركرییان و چاوانییا هاریكاریكرنێ بۆ وان.‏

هه‌ردو ئالییان ته‌كه‌زی ل گرنگيیا به‌رده‌وام ب ره‌وشا ئێزدييان و بجهئینانا رێككه‌فتنا حكومه‌تا هه‌رێما كوردستانێ و حكومه‌تا فيدراڵيیا ‏عێراقێ بۆ ئاساييكرنا ره‌وشا شنگالێ كرییه‌، بۆ هندێ خه‌ڵكێ وێ ده‌ڤه‌رێ‌ ‏بشێن ڤه‌گه‌رنه‌ سه‌ر جهێن خوه‌ و ل ‌سه‌ر ئاستێ هه‌رێما كوردستانێ، عێراق و جيهانێ ‏هاریكاری بهێته‌دان بۆ ئاڤه‌دانكرنا شنگالێ و وێ ده‌ڤه‌رێ ب گشتى.‏