رێڤه‌به‌ریا سایلویێن دهۆكێ دیاركر، هه‌ر ژ ئه‌ڤرۆ دێ ده‌ست ب دابه‌شكرنا پاره‌یێ گه‌نمێ جوتیارێن دهۆكێ یێن سالا 2015 هێته‌كرن.
نازم محه‌مه‌د رێڤه‌به‌رێ سایلویێن دهۆكێ تایبه‌ت بۆ ئاژانسا خانى راگه‌هاند، ئه‌و جوتیارێن گه‌نمێ خۆ راده‌ستى سایویان كرى بۆ وه‌رگرتنا چه‌كێ خۆ كو تا 30-6-2015 ل شێخان و سایلویا فه‌یدیێ و بنگه‌هێ رووڤیا هاتا 29-6-2015 و ل زاخۆ تا 30-7- 2015 گه‌نمێ خو راده‌ستى سایلویان كرى سه‌ره‌دانا بانكان بكه‌ن ژبۆ هندێ پارێ خۆ وه‌رگرن.
ناڤبرى ئاماژه ب هندێ كر، 80 ملیار و 492 ملیۆن دینار یێن 2015-2016 دێ هێنه دان كو یێن 2015 دبنه 45 ملیار و 504 ملیۆن، و 2016 دبنه 34 ملیۆن و 987 ملیۆن دینار.
ناڤبرى دیار ژى كر، لڤان بانكان پاره دێ هێنه‌دان، برێكا چه‌كان هه‌ر جوتیاره‌ك دێ چه‌كێ خۆ وه‌رگریت و دێ چیته ا‌نكان، هه‌روه‌سا یێ سایلویا شێخان به‌نكا شێخان، سایلویا فه‌یدێ و بگه‌هێ رووڤیا دێ چه‌كێ خو وه‌رگرن و دێ ل به‌نكا گاره ل دهوكێ پاره‌یێ خۆ وه‌رگرن، و سایلویا زاخۆ ل به‌نكا خابیر پاره‌یێ خۆ وه‌رگرن.
هه‌روه‌سا، داخوازا جوتیار و كارگێریا سایلویان ئه‌وه ، ل رۆژێن بهێنڤه‌داندا كارگێریێن هه‌رسێ بانكان ده‌وامێ بكه‌ن دا جوتیار ب زویترین ده‌م پاره‌یێ خۆ وه‌رگرن.
