ئه‌ڤرۆ ب هه‌لكه‌فتا هه‌شتێ مارس رۆژا جیهانیا ئافره‌تان چه‌ندین چالاكى ل سنوورێ پارێزگه‌ها دهۆكێ هاتینه ئه‌نجامدان.
زه‌رى نه‌وزاد بەرپرسا ئەنجوومەنێ دھۆک یێ ئێکەتا ئافرەتێن کوردستانێ بۆ ئاژانسا خانى راگه‌هاند، ئه‌ڤرۆ به‌رنامه‌ك هاتیه رێكخستن بۆ وان ئافره‌تێن ل رێڤه‌به‌ریان كاردكه‌ن و رۆله‌كێ كارا هه‌بیت د خزمه‌تكرنا ئافره‌تێن دهوكێدا دێ خه‌لاتێ رێزلێنانێ ژلایێ لقا ئێك یا پارتی دیموكراتی كوردستان ڤه هێته پێشكێشكرن.
هه‌ر ب ئه‌ڤێ هه‌لكه‌فتێ پارێزگارێ دهۆكێ دێ هه‌شت ئافره‌تان ل سه‌رانسه‌رى قه‌زا دهۆكێ خه‌لاتكه‌ت، كو خودان داهێنانن دكارێ خۆدا یان كاره‌كێ تایبه‌ت یێ كرى.
هه‌روه‌سا زه‌رى نه‌وزاد دادیاركرن چاكسازیا ئافره‌تان پیشانگه‌هه‌ك یا كارێن ده‌ستى وهونه‌ری بۆ ئافره‌تێن زیندانكری دانابوو، زێده‌باری كو سه‌نته‌رێ نه‌وا یێ تایبه‌ت ب ئافره‌تان ڤه دێ چالاكیه‌كا دى هه‌یه.
ناڤبری ئاماژه ب هندێ ژى كر توند وتیژی دژی ئافره‌تان یا به‌رده‌وامه، و د هه‌مى جڤاكاندا دا توند و تیژى یا هه‌ى و ب تایبه‌ت ل ڤى سه‌رده‌مى، نه‌خاسمه توندوتیژیا برێكا تورێن جڤاكى یا به‌ربه‌لاڤه، هه‌روه‌سا توندوتیژیا گه‌فكرنێ ب رێكا ئامیرێن راگه‌هاندنێ، و توندییا ئابوورى دژی ئافره‌تی دهێته ئه‌نجامدان كو ناهێلن كاركه‌ن یان ئابوورى ناده‌نێ و دوپاتكر كو توندوتیژیا میراتى كو ئافره‌تێ ژ میراتی بێبه‌هر دكه‌ن.
