نێچيرڤان بارزانى ل ‌گه‌ل شانده‌كێ ئێكه‌تییا ئورۆپا كۆمبوو‌‏

ئه‌ڤڕۆ چارشه‌مبی‌ 2023/3/8، نێچيرڤان بارزانى، سه‌رۆكێ ‏هه‌رێما كوردستانێ، پێشوازى ل‌ شانده‌كێ په‌رله‌مانێ ئێكه‌تییا ئورۆپا ب‌ ‏سه‌رۆكاتییا خانم سارا سكيتێدال كر.‏

د وێ‌ كۆمبوونێ دا هه‌ردو ئالییان پێشخستنا‌ په‌يوه‌ندييان و هاريكاری یێن په‌رله‌مانێ ئێكه‌تییا ئورۆپا ‏ل ‌گه‌ڵ په‌رله‌مانێ هەرێما كوردستانێ به‌حس كرن و ده‌رباره‌یى ‏په‌يوه‌ندی یێن ئێكه‌تییا ئورۆپا ل گه‌ڵ هه‌رێما كوردستانێ، هزر و بیر لێكگۆهارتن.

وی شاندی رێز و پێزانينێن خۆ بۆ ڕۆلێ پێشمه‌رگه‌یی د‌‌ تێكشكاندنا داعشێ و ئارامى و ‏سه‌قامگيرى و پێشكه‌فتنا هه‌رێما كوردستانێ ده‌ربڕى، هه‌روه‌سا ته‌كه‌ز ‏كر‌ كو ب هێزيیا هه‌رێما كوردستانێ و عێراقێ، بۆ سه‌قامگيريیا ده‌ڤه‌رێ و ئێكه‌تییا ئورۆپا گرنگه‌” هه‌روه‌سا ته‌كه‌زی ل‌ پاراستنا ئاسايش و ‏ئارامى و سه‌روه‌ريیا عێراقێ ژ هه‌موو گه‌فان كرییه‌.‏

نێچيرڤان بارزانی، سوپاس و پێزانينێن خۆ بۆ پشته‌ڤانی و هاریكاری یێن ئێكه‌تییا ئورۆپا د هه‌موو بیاڤان دا بۆ عێراقێ و هه‌رێما كوردستانێ ده‌ربڕى و ‏ته‌كه‌زی ل‌ خواستىا هه‌رێمى كوردستانێ بۆ پێشڤه‌برنا‌ په‌يوه‌نديیان ل ‌گه‌ڵ ئێكه‌تییا ئورۆپا.

هه‌روه‌سا دانوستاندن ل سه‌ر دووماهی پێشهاتێن ره‌وشا ڤێ ده‌ڤه‌رێ ب ‌گشتى، ته‌وه‌ره‌كێ دیتر یێ وێ ‏كۆمبوونێ بوو.‏