گۆتژی:” ب خوشحالیڤە مەسرور بارزانی، سەرۆکێ حکومەتا هەرێما کوردستانێ دێ د ئەڤێ دیدارێدا پشکدار بیت و ب گوتارەکا سەرۆکێ حکومەتێ دێ دەست ب دیدارێ هێتە کرن و سەرۆکێ حکومەتێ دێ ژ زارێ لاوان ئاگەهداری ئاریشەیێن ئەوان بیت.”
ئاشکرا کر ژی،لایەنێن پەیوەندیدار ژ ئاستێن جودا و سکتەرێن جودا دێ پشکداربن، دا کو ژ نێزیکڤە ببینن لاو و گەنج دێ چاوا شێن دەربڕینێ ژ ئاریشەیان دکەن و یا ژ هەمیێ گرنگتر ژی ئەوە، ئەو ڕێیێن چارەسەریێ یێن کو گەنج و لاو ب پێدڤی دزانن کو بهێنە بجهئینان دێ هێنە بەرچاڤکرن.
دیارکر ژی، د پشکەکا دیدارێدا، پەنەڵەک کو دێ نوونەرایەتییێن هەرسێ سەرۆکایەتییێن حکومەت و سەرۆکایەتییا هەرێما کوردستانێ و پەرلەمانێ کوردستانێ تێدا پشکداربن و دێ دوو تەوەران ب خۆڤە گریت، د تەوەرێ ئێکێ دا دێ باس ل بەڕنامەیێ هەرسێ سەرۆکایەتییان هێتە کرن کا چ شیوەیەکی پلان داناینە بۆ چارەسەرکرنا ئاریشەیێن گەنج و لاوان، بۆ زێدەتر گرنگیدان ب شیانێن لاوان، کا چ یاسا و ڕێسا گۆهڕینە یان داناینە ژ بۆ هندێ کو زێدەتر هاریکارییا گەنج و لاوان بکەن و شیانێن وان زێدەتر د جڤاکیدا بهێنە بەرچاڤ و د تەوەرێ دووێ دا دێ لسەر ڕاوستیانا بەرچاڤکرنا ڤەکۆلێنێن لاوان بیت ژلایێ لایەنێن پەیوەندیدارڤە و دێ ڤەخواندنا هەرسێ دەستهەلاتان ل سەر ئاریشەیان و ڤەکۆلینێن گەنج و لاوان هێنە وەرگرتن و دگەل هندێ دێ دیتن و بوچوونێن وان ل سەر ڕێیێن چارەسەریێ یێن کو ژ لایێ گەنج و لاوان ڤە دهێنە پێشکێشکرن هێنە باسکرن.”
کەژان محەمەد دیارکر ژی،:” د تەوەرەکێ دی یێ جودا دا دێ پێشانگەهەک هێتە ڤەکرن کو پێکهاتیە ژ سێ پشکان ژ وان پشکان ژی پشکا کارێ دەستی و پشکا بڕاند بۆ وان گەنجێن بڕاندەکێ تایبەت بخۆ دروستکرین وەک پڕۆژەیەکێ بچویک کو هاریکارە بۆ وان و خیزانێن وان کو داهاتەکێ ب دەستخۆڤە د ئینن پشکەکا دی ژی ئەوە کو دێ گەنج و لاو ب داهێنانێن خۆ یێن جودا جودا تێدا پشکداربن.”
