ده‌زگه‌هێ هه‌والگێرى و لێكۆلینێن فیدرالى ل وه‌زاره‌تا ناڤخۆ یا عیراقێ ده‌سته‌سه‌ركرنا چار تۆمه‌تباران ب تاوانێن جۆره‌وجۆر ل پارێزگه‌هێن به‌غدا و ئه‌نبار راگه‌هاند، كو ئێك ژ وان بزاڤێن فرۆتنا زارۆكه‌كى دكرن.
دراگه‌هاندنه‌كا ده‌سته‌یا ده‌ستپاكییا عیراقێدا هاتییه، كه‌سه‌ك هاتییه ده‌سته‌سه‌ركرن تومه‌تباره ب تاوانا هه‌لگرتنا كوژمه‌كێ پاره‌یێ سه‌خته كو 17 ملیۆن و 625 هزار دینار بوون و ب شێوه‌یێ 25 هزارى بوون.
دراگه‌هاندنێدا ئاماژه ب هندێ هاتییه دان، كه‌سه‌كێ دى ل پارێزگه‌ها به‌غدا هاتییه ده‌سته‌سه‌ركرن، به‌رى نوكه ب هندێ هاتبوو تومه‌تباركرن كو زارۆكه‌كێ سێ هه‌یڤى دگه‌لدابوو و بزاڤ دكر ب 13 هزار دۆلاران بفرۆشیت.
ئه‌وژى دیاركر، دوو تومه‌تبارێن دى ب تومه‌تا بازرگانیكرنێ ب شوونواران هاتنه ده‌سته‌سه‌ركرن.
