ڕێڤەبەرییا گشتی یا کارەبێ ل پارێزگەها دهۆکێ ڕادگەهینیت، د نوکە دا نێزیکی 275 ملیار دینارێن ڕێڤەبەریا گشتی یا کارەبا پارێزگەها دهۆکێ ل سەر خەلکینە و نە هاتینە دان.
شاکر مەحمود، ڕێڤەبەرێ گشتی یا کارەبا پارێزگەها دهۆکێ بۆ ئاژانسا خانی ڕاگەهاند، بەری نوکە ب ئاگەهداریەکا فەرمی ژ لایێ ڕێڤەبەریا گشتی یا کارەبێ ڤە دەمێ 20 ڕۆژان مۆلەت ب وان وەلاتییێن کو قەرێن وان یێن کارەبێ دگەهشتنە زێدەتری 15 ملیۆنان دهاتە دان دا کو قەرێن خۆ بدەن، لێ د نوکە دا گۆهڕین ل سەر وێ بڕیارێ دا هاتینە، ل گۆرەی بڕیارا نوو هەر وەلاتییەکێ قەرێن وی یێن کارەبێ گەهشتبنە 10 ملیۆنان پێدڤییە د دەمێ سێ ڕۆژان دا سەرەدانا ڕێڤەبەریێ بکەت و قەرێ خۆ بدەت.
ئاماژە کر ژی، ئەو وەلاتییێن قەرێن وان گەلەک بن و شیانێن دانا هەمی پارەی نەبن، ڕێڤبەریا گشتی یا کارەبێ ل پارێزگەها دهۆکێ هاریکاری و ئاسانکارییان بۆ دکەت ب ڕێیا دانا پارەی ب شیوەیێ قست.
شاکر مەحمود گۆت:”پشتی ڕێڤەبەرییا مە ئاسانکارییان بۆ پشکەکا وەلاتییان دکەت کو قەرێن خۆ ب شێوەیێ قست بدەن، دێ بۆ ئێک هەیڤ قستێ خۆ دەن و هەیڤا دووێ سەرەدانا ڕێڤەبەریێ ناکەن، لەورا ب فەر دبینین وان وەلاتییان ئاگەهدار بکەین، ل دەمێ وەلاتی پارەیێ قەران د هەیڤا ئێکێ دا قستی ئێکێ ددەت پێدڤیە د هەیڤا دووێ ژیدا ل هەمان ژڤانێ هەیڤا ئێکێ سەرەدانا ڕێڤەبەریێ بکەت بۆ دانا قەرێ قەستێ دووێ د هەیڤا دووێ دا.”
