ڤه‌کۆلینەک: هه‌كه‌ شه‌رێ ئەتۆمی رووبده‌ت، پتری 5 ملیار کەسان دێ  گیانێ خۆ ژ ده‌ست دەن

هەوالگێرییا ئەمریکا دیار كرییه‌، دبیت رووسییا چەکێ ئەتۆمی ب کاربینیت بۆ هندێ شه‌رێ ئۆکراینا د بەرژەوەندییا خۆ دا ب دووماهی بینیت.

راپۆرتا ساڵانە یا هەڵسەنگاندنا هێرشان كو هەواڵگێرییا ئەمریکییا ئامادە کرییە، دبێژیت، رەنگە سەرۆکێ رووسییا، ئەمریکا و هه‌ڤپەیمانێن رۆژئاڤایی دیتر یێن ئۆکراینا رابکێشیتە ناڤا وی شه‌ری بۆ هندێ رایا گشتی بۆ خۆ رابکێشیت و ئه‌و ڤه‌كۆلینه‌ دیار دكه‌ت” هه‌كه‌ شه‌ره‌كێ ئەتۆمی ژ وی جۆری روو بده‌ت، پتری 5 ملیار کەسان دێ گیانێ خۆ ژ دەست دەن.

لدووڤ ڤه‌كۆلینه‌كا زانکۆیا روتجەرز ل ویلایەتا نیوجێرزی یا ئەمریکا، هه‌كه‌ شه‌رێ ئەتۆمی دناڤبه‌را رووسییا و ئەمریکا دا رووبده‌ت، 75٪ ێ یا ئاكنجی یێن جیهانێ ژ ئه‌گه‌ری برسیبوونێ دێ مرن.

ئه‌و ڤه‌كۆلینه‌ دبێژیت” په‌قینا بۆمبێن ئەتۆمی دێ بیتە ئه‌گه‌رێ دروستبوونا ئاگره‌كێ مه‌زن و به‌لاڤبوونا دۆكێلێ دناڤا هه‌وایی دا، د ئەنجامدا تیشکا رۆژێ ناگه‌هیتە سەر روویێ ئه‌ردی، ئه‌ڤ چه‌نده‌ دێ بیتە ئه‌گه‌رێ گەشەنەکرنا تۆڤێ چاندنێ و خوارنێ، سەرئەنجام پتر ژ 5 ملیار مرۆڤان دێ ژ برسان دا گیانێ خۆ ژ دەست دەن.