وەزیرێ دەرڤە یێ تورکیا پیرۆزباهیا جەژنا نەورۆزێ ل سەرۆکێ حکومەتا هەرێما کوردستانێ دکەت

وەزیرێ دەرڤە یێ تورکیا نامەیەکا پیرۆزباهیێ ئاراستەی سەرۆکێ حکومەتا هەرێما کوردستانێ دکەت و سوپاسیا وی دکەت ژ بۆ گەهاندنا هاریکارییان بۆ زیانڤێکەڤتییێن ئەردهەژا 6ێ شووباتێ.

 مەولود چاوشئۆغڵو، وەزیرێ دەرڤە یێ تورکیا د نامەیەکێ دا کو ئاراستەی مەسرور بارزانی، سەرۆکێ حکومەتا هەرێما کوردستانێ کریە، نڤیسیە،”دگەل دەستپێکرنا ژیانا سروشتی، ژ ناخێ هەستێن خۆ پیرۆزباهییا جەژنا نەورۆزێ ل تە دکەم کو ئەگەرەکە بۆ شینکرنا هیڤییێن مە و مۆکمکرنا برایەتیا دناڤبەرا مەدا.”

وەزیرێ دەرڤە یێ تورکیا ئاماژە کریە، نەوەرۆز ب درێژاهیا دیرۆکێ رەنگڤەدانا مرۆڤان بوویە بۆ تێگەهشتن ژ ژیانێ دگەل سروشتیدا، دگەل هندێ سومبۆلا دوبارە نوو بوون و ژیانێ یە، د هەمان دەم ژی دا، سومبۆلا هەڤدەنگی و خۆشبەختیێ یە.

هەروەسا د نامەیا مەولود چاوشئۆغڵوی دا هاتیە،”د دەمەکیدا ئەم مژویلی دەرمانکرنا بریندارێن کارەساتا ئەردهەژێ بووین کو ژێدەرێ وێ ژ باژێڕێ مەڕەش بوو ل 6ی شووباتا 2023، لەوڕا ل وەلاتێ مە ئەم دێ ب خەمباری ڤە دێ پێشوازییێ ل جەژنا نەورۆزێ کەین.”

د پشکەکا دی یا ناما وەزیرێ دەرڤە یێ تورکیا دا باس ل هاریکارییێن هەرێما کوردستانێ دکەت بۆ زیانڤێکەڤتییێن ئەردهەژێ و نڤیسیە:” ئەو ڕۆژ وەکی مزگینییا نەورۆزێ دهێتە پیرۆزکرن، د هەمان دەمدا، دەمێ بهێزکرنا هەستێ ئێکبوونێ و پێکڤە هەڤسوزییێ یە، ژبلی کو من دڤێت سوپاسیا هەوە بکەم کو ل دووڤ کارەساتا ئەردهەژا ئازار بەخش یا وەلاتێ مە هاتین و ژ نێزیکڤە هەمی هێمایێن ئەوان هەستێن بلند یێن نەورۆزێ بۆ مە دیارکرن.”

ل دوماهیا نامێ دا، چاوشئۆغڵو بۆ سەرۆکێ حکومەتا هەرێما کوردستانێ نڤیسیە، “ب ڤێ هەلکەڤتێ هیڤیا ئاشتی و خوشگوزەرانیێ بۆ وەلاتێ مە و گشت جیهانێ دخوازم و هیڤیا ساخلەمیەکا باش و خۆشبەختیێ و سەلامەتیێ بۆ  هەوەیێن بەرێز و خەلکێ هەرێمێ یێن دوستێن مە دخوازین.”