بانکا ناڤەندییا عێراقێ: مه‌ 13 ترلیۆن دینار ب قه‌ر داینه‌ ‌وه‌لاتییان

پارێزگارێ بانکا ناڤەندییا عێراقێ راگەهاند، د چارچۆڤێ هاندانێ بۆ پڕۆژێن پیشەسازی و چاندنێ، ئاكنجیبوون و پڕۆژێن بچووک و ناڤنجی مه‌ 13 ترلیۆن دینار داینە وه‌لاتییان و گۆت پتر ژ 70 ترلیۆن دیناران ژ دەرڤه‌یی بانکان مامەله‌ پێ دهێته‌ كرن.

ئه‌ڤرۆ دوشەمبی 20-03-2023 ێ عەلی عەلاق، پارێزگارێ بانکا ناڤەندییا عێراقێ د کۆنفرانسێ کاراکرنا پرۆگرامێن قەران ل عێراقێ کو کۆڕبەندێ بانکان” کەرتێ تایبەت رێکخستبوو راگەهاند، “بانکا ناڤەندی پێشەنگ بوویە د هاندانا شییانێن قەران بۆ بانکان و ل سالا 2015 ێ مه‌ دەستپێشخەرییەك راگەهاند و مه‌ 5 ترلیۆن دینار بۆ پڕۆژێن پیشەسازی، چاندنێ و ئاكنجیبوونێ تەرخانکرن و ترلیۆنه‌كا دیناران بۆ پڕۆژێن بچووک و ناڤنجی.”