وەزارەتا بەرەڤانیا ئەمریکا – پێنتاگۆن باس ل کەڤتنا خوار یا هیلیکۆپتەرێن هەسەدێ ل سنوورێ پارێزگەها دهۆکێ دکەت و دبێژیت، ئەوان ب چ ڕەنگەکی پەیوەندی ب وێ ڕوودانێ ڤە نەبوویە و چ پێزانینێن پێشوەخت ژی دەربارەی وان هێلیکۆپتەران نەبووینە.
شەڤا بووری 21ی ئادارا 2023، ژەنەڕاڵ پاتریک رایدەر، پەیڤدارێ پێنتاگۆن د کۆنگرەیەکێ رۆژنامەڤانی یێ حەفتیانە دا، د بەرسڤا پرسیارێن ڕۆژنامەڤاناندا، دەربارەی کەڤتنا خوار یا هێلیکۆپتەرێن هەسەدێ یێن کو ل حەفتیا بووری ل باشوورێ کوردستانێ کەڤتینە خوارێ گۆتی:”مە وەک سوپا چ زانیاریەک ل سەر چوونا هێلیکۆپتەرێن هەسەدێ نەبوویە.”
پەیڤدارێ پێنتاگۆن دبێژیت: “ئەمریکا چ پەیوەندییەک یان پشکداریکرنەک د چوونا هێلیکۆپتەرێن هەسەدێ دا نینە. هەسەدە هێزەکا سەربەخۆیە و ئەو بخۆ ئۆپەراسیۆنێن تایبەت دەکەن. ئەم بەردەوام هەڤپشکێن هەسەدێینە د ئۆپەڕاسیونێن ژناڤبرنا داعش دا و جارەکا دی ژی دبێژین، نە ئەمریکا و نە هەڤپەیمانان پەیوەندی ب روودانا هێلیکۆپتەران ڤە نەبوویە یان ژی مە چ زانیاریەک نەبوویە بەری کو هێلیکۆپتەر بکەڤن.”
