مایك پۆمپیۆ : ئیداره‌یا ئه‌مریكا شاشییه‌كا مه‌زن كر

وه‌زیرێ ده‌رڤه‌ یێ ئه‌مریكا یێ به‌رێ مایك پۆمپیۆى راگه‌هاند، ئیداره‌یا سه‌روك جۆ بایدنى شاشییه‌كا ستراتیجى كر.

مایك پۆمپیۆى د دیداره‌كێدا گوت: ئیداره‌یا جۆ بایدن سه‌روكێ ئه‌مریكا شاشییه‌كا ستراتیجى كر پشتى رێك ب ئێكگرتنا رووسیا و چینێ داى.

پۆمپیۆ ئاماژه‌ ب وێ چه‌ندێ كر، هه‌موو بزاڤێن ده‌ستهه‌لاتدارێن ئه‌مریكا بۆ كێمكرنا بهایێ سه‌ره‌دانا شى جینگ پینگ سه‌روكێ چینێ بۆ موسكۆ، بووینه‌ شاشییه‌كا ستراتیجییا مه‌زن.‌

وه‌زیرێ ده‌رڤه‌ یێ ئه‌مریكا یێ به‌رێ دبێژیت: ئیداره‌یا بایدنى شكه‌ستن ئینا ده‌مێ رێك داى رووسیا و چین ئێكبگرن، ژبه‌ركو دێ بیته‌ مه‌ترسییه‌كا مه‌زن بۆ ئه‌مریكا و هه‌موو وه‌لاتیاین.

پۆمپیۆى دووپاتكر: هه‌ڤپشكییا ئابوورى دناڤبه‌را ڤان هه‌ردوو وه‌لاتاندا یا گرنگه‌ و دێ كارتێكرن ل سه‌ر ئه‌مریكا و ڤه‌دیتنا كارى ل سه‌رانسه‌رى وه‌لاتى هه‌بیت.

سه‌روكێ چینێ روژا دوو شه‌مبییا بوورى ب سه‌ره‌دانه‌كا سێ رۆژى گه‌هشتبوو‌ رووسیا، كو دبیته‌ ئێكه‌م سه‌ره‌دانا وى بۆ ژ ده‌رڤه‌ى وه‌لاتى پشتى دووباره‌ هه‌لبژارتنا وى بۆ خۆلا سێیێ یا سه‌روكایه‌تییا كۆمارییا چینێ.