ب گه‌هشتنا دەنگوباسێ وه‌غه‌ركرنا پێشمه‌رگێ دێرین و كادرێ بناڤوده‌نگێ له‌شكه‌رى و هه‌لگرێ مه‌دالییا بارزانیێ نه‌مر محه‌مه‌د خالد بۆسه‌لى، ژدل ئه‌م خە‌مگین كرین، خودێ ژێ رازى محه‌مه‌د خالد ژیێ خۆ هه‌مى دابینکربوو بۆ ئازادییا نیشتیمانێ خۆ و هه‌ر دژیێ گه‌نجاتیا خۆ دا باوه‌ربوون ب ئازادیێ و نه‌هێلانا بن ده‌ستیێ چه‌كێ شه‌ره‌ف و كه‌رامه‌تێ هه‌لگرتیه و لسه‌ر رێك و رێبازا بارزانیێ نه‌مر دشۆره‌شێن ئه‌یلوول و گولانێدا تێكوشایه و خه‌بات كرییە ، ژبه‌ر مێرخاسى و چه‌له‌نگییا وى چه‌ندین پلێن له‌شكه‌رى دناڤ شۆره‌شێن ئه‌یلوول و گولانێدا وه‌رگرتینه ، دسه‌رهلدان و پشتى سه‌رهلدانێدا ژى هه‌ر ته‌نگاڤییه‌كا روى بروى گه‌لێ مه د بوو.
محه‌مه‌د خالد، ب چه‌كێ خۆ ئاماده‌یی ئه‌نیێن شه‌رى د بوو و هه‌رده‌م جانێ خۆ فیدا دكر بۆ گه‌لێ خۆ، پاش هاتنا تیرۆرستێن داعش دا ژى خودێ ژێ رازى وه‌كو فه‌رمانده‌یه‌كێ له‌شكه‌رى دگه‌ل هێزێن پێشمه‌رگەیان دگه‌ل هێزا لقێ هه‌شت و خۆبه‌خشێن ده‌ڤه‌رێ، ب ژیئ خۆ ڤه وه‌كو خورته‌كێ پولاین د شه‌رێ به‌رەڤانییا كه‌رامه‌تا هه‌رێما كوردستانێ دا بوو، محه‌مه‌د خالد پشتى كو تووشى نه‌خۆشییێ دبیتن چه‌ندین جار بۆ چاره‌سه‌ریێ نه‌خۆشخانه‌یێن جودا بسه‌ر دكه‌تن، به‌لێ ب مخابنیه‌كا مه‌زن ڤه سپێده‌هییا ئه‌ڤرۆ د هەیڤا ره‌مه‌زانا پیرۆز دا ل وه‌لاتێ توركیا و ل باژێرێ (عه‌نقه‌ره) گیانێ خۆ ژده‌ست دده‌ت و دگه‌هیته كاروانێ نه‌مران و كاروانێ سه‌ربلنداهى و سه‌رفه‌رازییا گه‌لێ خۆ، روحا ته شاد ئه‌لهویێ چیایێن كوردستانێ، چیایێن كوردستانێ شاهدێ خزمه‌ت و خه‌باتا ته‌نه و ژ ده‌ست دانا ته ئازاره‌كا مه‌زنه.
ل ڤێرێ بناڤێ لقێ هه‌شت یێ پارتى دیموكراتى كوردستان سه‌ره‌خۆشیێن خۆ ل جه‌نابێ سه‌رۆك بارزانى و جێگرێن وى یێن هێژا و مه‌كته‌با سیاسى و ته‌ڤایا كادر و ئالیگرێن پارتى و جه‌ماوه‌رێ كوردستانێ و مالباتا خودێ ژێ رازى دکەین، خودێ سه‌برو هه‌دارێ بده‌ته هه‌می ئالیە‌كی.
ئه‌م یێن خودێ نه و دێ بۆ خودێ زڤرین
لقێ هه‌شت یێ پ.د.ك 24-03-2023
