پهیڤدارێ رێڤەبەرییا حەج و عومرا هەرێما کوردستانێ دبێژیت، ب ئهگهرێ ههیڤا رەمەزانێ كێمترین بهایێ گەشتا عومرێ ب هزار و 200 دۆلارایه و دبێژیت، ب بڕیارا سعودییە رێك ناهیتهدان چ عومرەکار 15 رۆژان پتر بمینیت، یان د ههیڤهكێ دا دوجاران بچیته عومرێ.
رۆژا شەمبییێ 25 ی ئادارا 2023 ێ، کاروان ستوونی، زێدهتر گوت: “ئهڤه دو ساله سعودییە مژوولی رێکخستنا حەج و عومرێیە؛ ئەڤ ساله وهكو تاقیکرن پلاتفۆرمهك دانایە و هەموو خزمەتگوزاری یێن عومرێ وەکو هۆتێل گرتن یان هەر بابەتهكێ دیتر دڤێت ب رێیا وێ پلاتفۆرمێ بیت، هەر ب وێ رێكێ وان دڤێت رێگرییێ بکەن ل دووبارەبوونا عومرکرنێ د ڤێ ههیڤێ دا”.
گۆت ژی: ل سالا بوری پشتی رەمەزانێ بهایێ عومرێ ل هەرێما کوردستانێ نێزیکی 650 دۆلاران داكهفتبوو، بەلێ ئهڤ ساله عومرهكرن ب شێوەكێ ئاسایی بیت دناڤبهرا هزار و 200 بۆ هزار و 400 دۆلارایه.
