شیره‌تكارێ ئاسایشا نه‌ته‌وه‌ى یا عیراقێ ل نیوده‌لهى سه‌رپه‌رشتیا كۆمبوونه‌كێ دگه‌ل چه‌ند كۆمپانیێن بسپۆرێن جیاواز یێن هندى دكر، د وێ كۆمبوونێدا رێكه‌فتنه‌كا ده‌ستپێكى دناڤبه‌را ده‌ستهه‌لاتێن تایبه‌ت یێن عیراقێ و كۆمپانیێن ئاڤه‌دانكرنێ یێن هندی هاته‌كرن.
نڤیسینگه‌ها شیره‌تكارى یا ئاسایشا نه‌ته‌وه‌ى یا عیراقێ د راگه‌هاندنه‌كێدا دیاركر، ل نیوده‌لهى كۆمبوونه‌ك دناڤبه‌را قاسم ئه‌عره‌جى و 10 كۆمپانیێن هندى یێن فره‌بسپۆر ئه‌نجامدا، د كۆمبوونێدا كۆمپانیێن هندى ب هویرى به‌رهه‌مێن خو نیشاندان، ئاماده‌یا خۆ ده‌ربرى بۆ بجهئینانا پێدڤیێن عیراقێ ژلایێ پیشه‌سازى یان هاریكارى كرن د ئاماده‌كرنا كه‌ره‌ستێن توانا سازی و خۆ برێڤه‌برنێدا ل عیراقێ د هه‌مى بواراندا.
