مەسرور بارزانی: لێکتێگەهشتنا مە دگەل بەغدا ڕێیەکا باشە بۆ چارەسەرکرنا ئاریشەیان

سەرۆکێ حکومەتا هەرێما کوردستانێ پەیامەک بەلاڤکریە و ڕاگەهاندیە، لێکتێگەهشتنا ئەڤێ دوماهیێ یا دگەل بەغدا، ڕێیەکا باشە ژ پێخەمەت چارەسەرکرنا ئاریشەیێن پەیوەندیدار ب بڕیارا ئەڤرۆ یا دادگەهێ ڤە.

 ئەڤرۆ شەمبی 25 ئادارا 2023، مەسرور بارزانی، سەرۆکێ حکومەتا هەرێما کوردستانێ ل تۆرا جڤاکی یا تویتەری پەیامەک بەلاڤکریە و دیارکریە، سبەهی تیمەکێ حکومەتێا هەرێما کوردستانێ، دێ سەرەدانا بەغدا کەت ژ بۆ کو ل سەر بنەمایێ ئنیەتەکا پاقژ، درێژیێ ب گۆتوبێژان بدەن.

دەقێ پەیاما سەرۆکێ حکومەتا هەرێما کوردستانێ:

د لێکتێگەهشتنا ئەڤێ دوماهیێ یا دگەل بەغدا دا، ڕێیەکا باشە ژ پێخەمەت چارەسەرکرنا ئاریشەیێن پەیوەندیدار ب بڕیارا ئەڤرۆ یا دادگەهێ ڤە، سباهی تیمەکا حکومەتا هەرێما کوردستانێ دێ سەرەدانا بەغدا کەت دا کو ل سەر ئنیەتەکا پاقژ، درێژیێ ب گوتوبێژێن مە بدەین.