بانکا جیهانی پابەندییا خۆ بۆ پشته‌ڤانییا دارایی ل عێراقێ دوپات كر

بانکا جیهانی دوپاتکر” كو ب ته‌مامی پشته‌ڤانی و هاریکارییا سیستەمێ رێڤەبرنا داراییا گشتی ل عێراقێ بكه‌ت.

لدووڤ راپۆرته‌كا ئاژانسا نووچه‌یێن عێراقی، هژماره‌كا ئه‌ندامێن لژنا دارایی پێشوازی ل شانده‌كێ بانکا جیهانی کرییە، د كۆمبوونه‌كێ دا به‌حسێ قەرێن بانکا جیهانی دناڤا پڕۆژە یاسایێ بودجەیێ 2023 ێ و میکانیزما سیستەمێ دارایی کرییە.

هەروەسا د وێ کۆمبوونێ دا لژنا دارایی به‌حسێ رێكارێن گونجایی بۆ بجهئینانا پڕۆژان کرییە كو ل گەل بانکا جیهانی ئیمزا كرییه‌، دیسان جاره‌كا دی چاڤخشاندنه‌كا ب له‌ز بۆ بجهئینانا پرۆژان ل هه‌موو عێراقێ کرییە.