وەزیرێن ده‌رڤه‌ یێن رووسییا و ئیرانێ دێ ل مۆسكۆ کۆم بن

رووسییا دبێژیت، سوبه‌هی چارشەمبی، حسێن ئەمیرعەبدوللاهیان، وەزیرێ دەرڤه‌ یێ ئیرانێ دێ سەره‌دانا مۆسکۆ كه‌ت، دێ ل گەل سێرگی لاڤرۆڤ، وەزیرێ دەرڤه‌ یێ رووسییا کۆم بیت.

وەزارەتا دەرڤه‌ یا رووسییا راگه‌هاندییه‌، هەردو وەزیرێن دەرڤه‌ یێن رووسییا و ئیرانێ ل مۆسکۆ دێ به‌حسێ کۆمەكا بابەتێن نێڤدەولەتی و ڤێ ده‌ڤه‌رێ کەن.

هه‌روه‌سا دبێژیت: دهێته‌ چاڤه‌رێ كرن” هەردو ئالی ره‌وشا بەرنامەیێ  ئەتۆمی یێ ئیرانێ به‌حس بکەن، هەروەسا ره‌وشا سوورییێ و بابه‌تێن گرێدایی ده‌ڤه‌را دەریا قەزوینێ، ره‌وشا ئەفغانستانێ، یەمەنێ دێهێنه‌ له‌حس كرن.