<h3 style="text-align: justify;"><span style="font-size: 18pt;">وه‌زاره‌تا په‌ترۆلا عیراقێ دروونكرنه‌كێدا ل دۆر هنارده‌كرنا په‌ترۆلا هه‌رێما كوردستانێ دیاركر، ل پاشه‌رۆژه‌كا نێزیك دێ گه‌هنه رێككه‌ڤتنێ و حكومه‌تا فیدرالى یا رژده له‌زێ د ده‌ستپێكرنا هنارده‌كرنا په‌ترۆلا هه‌رێما كوردستانێدا بكه‌ت.</span></h3> <h3 style="text-align: justify;"><span style="font-size: 18pt;">وه‌زاره‌تا په‌ترۆلا عیراقێ دراگه‌هاندنه‌كێدا ئاماژه ب هندێ كر، حكومه‌تا عیراقێ یا رژده له‌زێ ل ده‌ستپێكرنا هنارده‌كرنا په‌ترۆلا هه‌رێما كوردستانێ ب رێكا به‌نده‌رێ جه‌یهانێ توركیا بكه‌ت، و كار ل سه‌ر نێزیكترین بوچوونان بۆ خزمه‌ت و به‌رژوه‌ندییێن گشتى دكه‌ت.</span></h3> <h3 style="text-align: justify;"><span style="font-size: 18pt;"> دراگه‌هاندنێدا ل دۆر دانوستاندنێن دناڤبه‌را هه‌ولێر و به‌غدا دا، دووپاتى ل سه‌ر پێنگاڤێن گه‌هشتنا رێككه‌ڤتنێ بۆ ده‌ستپێكرنا هنارده‌كرنا په‌ترۆلا هه‌رێما كوردستانێ ل سه‌ر بنه‌مایێن دووماهى بریارێن دادگه‌ها نێڤده‌وله‌تى ل پاریسێ هاته‌كرن، دووڤدا دێ دانوستاندن ل دۆر بابه‌تێ ته‌كنیكى یێ هه‌لاویستى دناڤبه‌را هه‌ردوو لایاندا هێنه‌كرن.</span></h3> <h3 style="text-align: justify;"><span style="font-size: 18pt;">د پشكه‌كا دییا راگه‌هاندنێدا هاتییه، وه‌زاره‌تا په‌ترۆلا عیراقێ هیڤى خواستن، ل ژێر وى سه‌قایێ ئه‌رێنى و لێكتێگه‌هشتنا دناڤبه‌را هه‌ولێر و به‌غدا دا هه‌ى، ب زووترین ده‌م بگه‌هنه رێككه‌ڤتنێ ل دۆر ده‌ستپێكرنا هنارده‌كرنا په‌ترۆلا هه‌رێما كوردستانێ.</span></h3> <h3 style="text-align: justify;"><span style="font-size: 18pt;">وه‌زاره‌تا په‌ترۆلا عیراقێ روونكر، ل ده‌مێ گه‌هشتن ب رێككه‌ڤتنا دووماهییێ ل سه‌ر بنه‌مایێن وان ئێك گه‌هشتنێن نوو یێن بۆ هنارده‌كرنا په‌ترۆلا هه‌رێما كوردستانێ هه‌ین، دێ رێككه‌ڤتن ب فه‌رمى هێته راگه‌هاندن.</span></h3>
