ریال مه‌درید ل ژێر گه‌فێن ژ ده‌ستدانا ستێره‌كا خوه‌ یه‌ بۆ كلاسیكۆیێ

یانه‌یا ریال مه‌درید یا ئسپانى تووشى دربه‌كێ نه‌چاڤه‌رێكرى بوو به‌رى كلاسیكۆیا دێل رێ به‌رامبه‌ر هه‌ڤركا خوه‌ یا دیرۆكى یانه‌یا بارسێلۆنا.

رۆژنامه‌یا ماركا یا ئسپانیى دیاركر، دووركه‌ڤتنا ژ نیشكه‌كێڤه‌ یا ئه‌نتۆنیۆ رۆدیگێرى ژ لیسته‌یا ریال مه‌دریدێ بۆ دیدارا ڤالادولید ژ لالیگایێ، گومان ئێخسته‌ سه‌ر به‌رهه‌ڤییا وى بۆ دیدارا كلاسیكۆ.

رۆژنامه‌یێ ئاماژه‌ ب هندێ دا، رۆدیگێرى ل چه‌ند ده‌مژمێرێن بوورى هه‌ست ب ئێشانى د چووكێ خوه‌دا كر، و ل دووشه‌مبییا بهێت پشكنین دێ بۆ هێنه‌كرن، داكو ئاستێ به‌رهه‌ڤییا وى بۆ كلاسیكۆیێ د یارییا دوو یا پێش دووماهییا كۆپا دێل رێدا بهێته‌ زانین.

دهێته‌ زانین ریال مه‌درید یارییا ئێكێدا ل یاریگه‌ها خوه‌ سانتیاگۆ بێرنابیۆ ب گۆله‌كێ بێ به‌رامبه‌ر ل سه‌ر ده‌ستێ بارسێلۆنا تووشى دۆڕاندنێ بوو.