شێروان دوبەردانی، پەرلەمانتارێ پارتی ل پەرلەمانێ عیراقێ بۆ ئاژانسا خانی ڕاگەهاند. دناڤ پڕۆژەیێ قانوونا بودجەیێ عیراقێ ھنارتنا سێ ملیۆن و 500 ھزار بەرمیلێن نەفتێ ھاتییە جێھگیرکرن و 400 ھزار بەرمیل یێن ھەرێما کوردستانێ نە، لەوڕا دڤێت ھەردوو حوکمەتێن ھەرێم و بەغدا بگەھنە رێکكەفتنێ ھەتا پەرلەمان بشێت دەنگی لسەر قانوونا بودجەی بدەت، ھەتا نەفتا کەرکووکێ یا گرێدایی ھەرێما کوردستانێ یە و ئەگەر نەچیتە دەرڤە ئەڤە دێ رۆژانە 500 ھزار بەرمیل کێمی دەت نەفتا عیراقێ.
شێروان دوبەردانی گۆتژی” ئەگەر نەفتا ھەرێما کوردستانێ نەچیتە دەرڤە ئەڤە پێدڤییە دوبارە پڕۆژە قانوونا بودجەی بھێتە ڤەگەڕاندن بۆ حوکمەتێ و پێداچوون بھێتەکرن ئەڤەژی دێ بیتە ئاریشە بۆ عیراقێ، نوکە ھەردوو حوکمەت رێکكەفتینە نەفتا ھەرێما کوردستانێ بھێتە ھنارتن بۆدەرڤە و دھەمبەردا حوکمەتا فیدڕال یا پێگیرە ب دانا شایستەیێن ھەرێمێ”.
